DEUTERONOMI 13:16 - Lai (Hakha) Common Language Bible 2006

¹⁶ Cun a hranchaw vialte cu khualai tual laifang ah nan pumh hna lai i, a khua le a hranchaw vialte cu Bawipa nan Pathian sin i pum khangh thawinak caah mei in nan khangh lai; vawlei bo men a si zungzal cang lai, sak ṭhan a si ti lai lo.

DEUTERONOMI 13:16 ပူးပေါင်းရင်းမြစ်များ

EXODUS 22:19

“Saram he nu le pa a simi cu thah an si lai.

ISAIAH 17:1

Hi bia hi Damaskas kong bia a si. Bawipa nih aa thawh i, “Damaskas cu khua a si ti lai lo, thil rawk pon lawnglawng a si cang lai.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

EZEKIEL 26:14

A tleu in a tleumi lungpi ah kan ser lai, Ngatlai hna nih an sur an phonak hmun ah kan ser lai, Zeitikhmanh ah sak ṭhan na si ti lai lo. Hi bia cu Bawipa nih ka chim cang. Hihi Bawipa Pathian bia hrimhrim a si, a ti.

MIKAH 1:6

Cucaah Samaria cu ramlak i thilchia ponnak hmun, mitsur cinnak ah ka ser lai. A lung kha hor chungah ka hlonh hna lai i a dirnak a hram kha ka langhter lai.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

DEUTERONOMI 7:26

Cun nan inn chungah thil fihnung nan luhpi lai lo; nan luhpi ahcun chiatserhmi nan si ve sual lai; nan fih hrimhrim lai i nan huat lai, zeitintiah mah cucu chiatserhmi thil a si.

JOSHUA 6:21

Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.

JOSHUA 6:24

Cun khua cu mei in an khangh, a chung i a ummi thil vialte he; sui le ngun, thir le dar umkheng belte Bawipa inn chawva sinah an chiah hna.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.

JOSHUA 8:28

Cucaah Joshua nih Ai cu a khangh i nihin ni tiangah a si bangin, a rawkmi thil pon ah a ser.