DEUTERONOMI 12:5 - Lai (Hakha) Common Language Bible 2006

⁵ Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

DEUTERONOMI 12:5 ပူးပေါင်းရင်းမြစ်များ

1 SIANGPAHRANG 12:27

hi mi hna nih hin Jerusalem khua chung i Bawipa inn ah raithawinak pekchanh awkah an hung kal ahcun, khi tikah hi mi hna lung hi an bawipa, Judah siangpahrang Rehoboam sinah khan a kir lai i kei cu an ka thah lai i Judah siangpahrang Rehoboam sinah khan an kir ṭhan lai,” tiah a ti.

1 SIANGPAHRANG 14:21

Cun Solomon fapa Rehoboam nih khan Judah ram cu a pen. Pen hram aa thawk ah khan Rehoboam cu kum sawm li le kum khat a si i, Bawipa nih Israel mi phun vialte chungin amah min chiahnak caah aa thimmi Jerusalem khua ah khan kum hleisarih a bawi. A nu min cu Naamah a si, Ammon minu a si.

1 SIANGPAHRANG 8:16

sihmanhsehlaw David cu ka mi hna cung i um awkah ka thim,’ tiin a kaa in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

1 SIANGPAHRANG 8:20

Atu cu Bawipa nih a biakamnak a sermi kha a hun tlinter cang; zeitintiah ka pa David hmun ah khan ka kai cang i Bawipa biakam bang khan Israel mi bawi ṭhutdan cungah ka ṭhu i Bawipa, Israel Pathian min caah khan inn cu ka sak cang.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

1 CHANRELNAK 22:1

Cun David nih, “Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai,” tiah a ti.

2 CHANRELNAK 7:12

Cun Bawipa cu Solomon sinah zan ah a lang i amah cu a thawh i, “Na thlacamnak cu ka theih cang i hi hmun cu raithawinak inn caah kaa thim cang.

EZRA 3:2

Khi tikah Jozadak fapa Jeshua cu a tlangbawi hawi hna he, cun Shealtiel fapa Zerubbabel cu a phun hawi hna he, an tho i, Pathian mi Moses cauk chungah aa ṭial bangin, a cung i khangh thawinak pekchanh awkah Israel Pathian i a biakṭheng cu an ser.

EZRA 6:12

Khika ah a min a umtertu Pathian nih hi thil hi thlen awkah le Jerusalem i a ummi Pathian inn kha hrawh awkah a kut a chuahtu cu ahohmanh, siangpahrang a si ah, miphun an si ah, hrawh dih si hna seh. Keimah Darius nih nawlbia hi ka chuah, fel tein tuah si seh,” a ti.

EZRA 7:17

Hi tangka hin fel tein cawtum hna le tuukawng hna le tuufa hna kha an changvut thawinak hna le an thlet thawinak hna he tiah na cawk hna lai i na Pathian inn Jerusalem i a ummi biakṭheng cungah cun na pekchanh hna lai.

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

SALM 78:68

Judah phun tu kha a thim i a duh ngaingaimi Zion Tlang tu kha a thim.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

EXODUS 25:22

Cuka ah cun kan ton lai; Israel mi hna caah ka timi ka nawlbia vialte cu kuang chin cung le biakamnak kuang cung i a ummi cherubim pahnih hna karlak cun kan pek tawn lai.

JEREMIAH 26:2

Bawipa nih Jeremiah cu a thawh i, “Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.

JEREMIAH 7:12

Ka min ka rak umternak hmasa, Shiloh khua i ka hmun thiang ah khan va kal u law, ka mi Israel mi hna ṭhat lo ruangah khakha zeitindah ka tuah ti kha va zoh tuah u.

JEREMIAH 7:14

Cucaah Shiloh cung i ka tuahmi kha hi inn ka min umnak inn nan pupa hna sinah ka pek i nannih nih nan i bochanmi inn cungah hin ka tuah lai;

LEVITIKAS 17:4

Bawipa puan biakinn hmaiah Bawipa sin i laksawng caah tonnak thlam innka ah a rak put lo ahcun, cu pa cungah cun thisen chuah mawhnak khinh a si lai; thisen a chuah hrimhrim ko; cu pa cu a mi hna sinin hlonh a si lai.

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:13

Nan hmuhmi hmun men paoh ah nan khangh thawinak pekchanh lo awkah i ralring tuah u;

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 12:4

Bawipa nan Pathian cungah cun cu bantuk cun nan tuah lai lo.

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

DEUTERONOMI 14:24

Bawipa nan Pathian nih thluachuah an pek tik hna ah, Bawipa nan Pathian nih a min umnak dingah a thim laimi hmun cu a hlat tuk caah nan caah khuallam a sau tuk caah, cheu hra cheu khat cu nan i phorh khawh lo ahcun,

DEUTERONOMI 15:20

Bawipa nih a thim laimi hmun ah cun kumfate in Bawipa nan Pathian hmaiah nanmah le nan chungkhar nih cun nan ei lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 16:15

Nan dihlak in nan i lawmh nakhnga, Bawipa nan Pathian nih nan chuahpimi thil vialte le nan kut rian vialte ah thluachuahnak an pek hna lai, Bawipa nih a thim laimi hmun ah Bawipa nan Pathian caah ni sarih chung puai nan ngei lai.

DEUTERONOMI 16:2

A min umnak ah Bawipa nih a thim laimi hmun ah nan tuurun chungin siseh, nan cawrun chungin siseh, Bawipa nan Pathian sinah lanhtak puai thawinak cu nan pekchanh lai.

DEUTERONOMI 16:6

sihmanhsehlaw Bawipa nan Pathian nih a min umnak caah a thim laimi hmun ah, khika ah, zanleisang i ni a tlak cuahmah lio, Izipt ram in nan chuah caan ah khan, lanhtak thawinak cu nan pekchanh lai.

DEUTERONOMI 16:7

Cun Bawipa nan Pathian nih a thim laimi hmun ah cun nan chuan lai i nan ei lai; zinglei ah nan kir lai i nan thlam ah nan kal hna lai.

DEUTERONOMI 17:8

“Mi i thahnak kong bia siseh, thilri kong bia siseh, i vuak i dennak kong bia siseh, nan khua chungah nan ca i a har tukmi tazacuainak zeipaoh a chuah ahcun, nan tho lai i Bawipa nan Pathian nih a thim laimi hmun ah cun nan kal lai i,

DEUTERONOMI 18:6

“Cun Levi mi pakhatkhat cu Israel ram chung i a umnak nan khua pakhatkhat in a chuah i Bawipa nih a thim laimi hmun ah a kal ahcun — a duh tik paoh ah a kal kho lai —

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

DEUTERONOMI 31:11

Bawipa nan Pathian nih a thim laimi hmun ah Israel mi vialte nih a hmai i chuah awkah an rat tikah, hi phungbia cu Israel mi vialte hmaiah an theih ah nan rel lai.

KOLOSE 2:9

Zeicahtiah Pathian sining cu tling khitkhet tein Khrih a minung sinak ah khan a um i

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

JOSHUA 22:11

Cun Israel mi hna nih, “Zohhmanh, Reuben mi hna le Gad mi hna le Manasseh phun cheu nih Kanaan ram ramri ah Jordan tivakam hrawng ram chung Israel mi hna ta a simi leiphek ah, biakṭheng pakhat an ser,” tiah mi nih an chim kha an theih.

JOSHUA 9:27

Sihmanhsehlaw Joshua nih khi ni ah cun aa pummi ca le a thim laimi hmun i Bawipa biakṭheng caah annih cu nihin ni tiangin thing hlamtu le ti thantu ah a ser hna.

BIAPHUAN 14:1

Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.