DEUTERONOMI 12:10 - Lai (Hakha) Common Language Bible 2006

¹⁰ Sihmanhsehlaw Jordan tiva nan tan tik i Bawipa nan Pathian nih co awkah an pekmi hna ram chungah nan um tikah le, him tein nan um nakhnga, nan pawngkam i nan ral vialte hna sinin dinhnak an pek hna tikah,

DEUTERONOMI 12:10 ပူးပေါင်းရင်းမြစ်များ

1 SIANGPAHRANG 4:25

Cun Solomon a nun chung vialte cu Judah mi hna le Israel mi hna kha Dan in Beersheba tiang, anmah le an mitsur ruang tang le an theipi kung tang cio ah him tein khua an sa.

1 SIANGPAHRANG 8:56

“A biakam vialte ningin a mi Israel mi dinhnak a petu Bawipa cu thangṭhat si ko seh; a sal Moses sinin a chimmi a biakam ṭha vialte cu bia pakhat hmanh a pelhmi a um lo.

1 CHANRELNAK 22:18

“Bawipa nan Pathian cu nan sinah a um lo mei? Cun amah nih kam kip ah daihnak an pe hna lo mei? Zeitintiah hi ram chung i a ummi hna cu nan kut chungah an pek hna i ram cu Bawipa le a mi hna hmaiah tei a si cang.

SALM 4:8

Hnangam tein ka it lai i kaa hngilh fawn lai, Bawipa, nangmah lawnglawng nih him tein na ka umter.

EXODUS 33:14

Bawipa nih cun a thawh i, “Na sinah keimah ka kal lai i teinak kan pek lai,” a ti.

PHUNGTHLÛKBIA 1:33

Sihmanhsehlaw ka bia a ngaimi cu him tein an um lai i Vanchiatnak zeihmanh ṭih loin, zalong tein an um lai,” tiah a ti.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

EZEKIEL 28:26

Khika ah khan lungdai tein an um lai i inn an sak hna lai i mitsur dum an ser hna lai; annih a nihsawhtu hna an pawngkam i a ummi hna cungah khan biaceihnak ka tuah tikah, annih cu lungdai tein an um lai. Cuticun keimah cu Bawipa an Pathian ka si kha an hngalh lai.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

EZEKIEL 34:28

Ramdangmi hna nih an hrawk ti hna lai lo i sahrang zong nih a seh ti hna lai lo; ahohmanh nih hnahnawh ti loin lungdai tein an um lai.

EZEKIEL 38:11

Naa thawh lai i, ‘Kulhkhar zeihmanh a ngei lomi khuate umnak ram kha ka tuk lai, daite le ahohmanh nih hnahnawh loin a ummi, ralhruang zong zeihmanh a ngei lo i kutka siseh, kutka hrenh siseh, zeihmanh a ngei lomi hna kha ka tuk hna lai,’ na ti lai.

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

DEUTERONOMI 11:31

Zeitintiah Bawipa nan Pathian nih an pekmi hna ram cu a chungah va luh i va co awkah nannih nih Jordan cu nan tan lai; cun nannih nih nan co i a chungah nan um tikah,

DEUTERONOMI 3:27

Pisgah tlangpar ah hung kai law, nitlaklei le chaklei le thlanglei nichuahlei kha hei zoh hna law, na mit in cuan tuah hna, zeicahtiah hi Jordan ral ah cun na kai lai lo.

DEUTERONOMI 33:12

Benjamin kongah, “Amah cu Bawipa dawtmi a si, Amah pawngah him tein a um; Amah nih chun nitlak a kulh i A liang le a liang karlak ah a umter,” a ti.

DEUTERONOMI 33:28

Cucaah rawl le mitsur hang a tamnak ram ah cun Israel cu him tein a um, Jakob cerhti cu amah tein a um, Asi, a van hna zongin dap an tla.

DEUTERONOMI 4:22

Hi ram ah hin ka thi ko lai, Jordan cu tan awk ka si lai lo; sihmanhsehlaw nannih nih cun nan tan lai i ram ṭha cu nan co lai.

DEUTERONOMI 9:1

“Ngaihmanh, maw Israel, nangmah nakin a lianngan deuh le a ṭhawng deuhmi miphun hna, van tawng in kulhmi khua lianngan pipi a ngeimi hna,

JOSHUA 11:23

Cucaah Bawipa nih Moses sinah a rak chim cangmi vialte bantuk khan Joshua nih ram cu a ning piin a lak i an phun ning cio i phawtning khan Joshua nih Israel mi hna sinah ro caah a pek hna. Cun ram cu ral in aa din.

JOSHUA 14:1

Cun mah hna hi Kanaan ram chungah Israel mi nih an comi ram cu an si, tlangbawi Eleazar le Num fapa Joshua le Israel tefa hna chung i an phun cio lu hna nih an phawtmi hna cu an si.

JOSHUA 3:17

Cun Israel mi vialte nih leiro cungin an tan lioah, Jordan tiva chungah cun, Bawipa biakamnak kuang a zawntu tlangbawi hna kha, an phun ning piin Jordan tiva cu an tan dih hlantiang, leiro cungah cun an dir.

JOSHUA 4:12

Reuben fapa hna le Gad fapa hna le Manasseh phun cheu hna kha Moses nih a rak chimh hna bang khan Israel mi hmaiah cun hriamnam i ken in an kal;

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.