DEUTERONOMI 11:9 - Lai (Hakha) Common Language Bible 2006

⁹ Bawipa nih nan pupa hna sinah anmah le an tefa hna sinah pek awkin chiat a sermi ram, cawhnuk le khuaihliti in a luangmi ram ah cun, saupi nan um nakhnga.

DEUTERONOMI 11:9 ပူးပေါင်းရင်းမြစ်များ

EXODUS 20:12

“Nan nu le nan pa kha upat hna u, cu ti nan tuah ahcun, Bawipa nan Pathian nih an pekmi hna ram ah hin saupi nan um lai.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

PHUNGTHLÛKBIA 10:27

Bawipa ṭihnak nih hin chan a sauter, Sihmanhsehlaw miṭhalo hna chan cu a tawi.

PHUNGTHLÛKBIA 3:16

Nun saunak cu a orhlei kut chungah a um i a kehlei kut ah rumnak le upatnak an um.

PHUNGTHLÛKBIA 3:2

Zeicahtiah nun saunak le chan saunak le duhdim nunnuamhnak cu an in pek lai.

PHUNGTHLÛKBIA 9:11

Zeicahtiah keimah thawngin na ni hna cu an karh lai i na nunnak ah kum tampi chap an si lai.

EZEKIEL 20:6

Khi ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai, ka ti.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 11:10

Zeitintiah nannih nih co awkah nan va luhhnawh laimi ram cu nan hung chuahnak Izipt ram, a chung i thlaici nan tuh tik i anhring dum bangin nan ke in ti nan toihmi ram bantuk kha a si lo;

DEUTERONOMI 11:21

zeitintiah van hna cu vawlei cung i an um chung paohpaoh cu, Bawipa nih nan pupa hna sinah pek awkin chiat a sermi ram chungah nan nunchung ni hna le nan tefa hna nunchung ni hna cu karhter an si lai.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 5:16

“ ‘Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 6:18

Bawipa nih nan pupa hna sinah pek awkin chiat a ser i nan hmaiah nan ral vialte a dawi dih hnanak ram ṭha cu, Bawipa nih bia a kam bangin, nan luh i nan co nakhnga le nanmah caah aa remrel nakhnga, Bawipa hmai i a dik le a ṭha cu tuah tuah u.

DEUTERONOMI 6:2

Bawipa na Pathian cu na ṭih nakhnga le na chan cu a sau nakhnga, Bawipa nan Pathian nih nannih kha cawnpiak awkah nawl a ka pekmi nawlbia hna le phunglam hna le phungbia hna cu mah hihi an si.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

DEUTERONOMI 8:7

Zeitintiah Bawipa nan Pathian nih ram ṭha chungah an luhpi hna lai. Mah ram cu tiva tete hna le, tlang le nelrawn ah a luangmi tikhor le cerhti hna le,

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.