DEUTERONOMI 10:9 - Lai (Hakha) Common Language Bible 2006

⁹ Cucaah Levi cu a unau hna lakah covo siseh ro siseh a ngei lo; Bawipa nan Pathian nih amah sinah a chim bang khan, Bawipa cu a ro a si.)

DEUTERONOMI 10:9 ပူးပေါင်းရင်းမြစ်များ

EZEKIEL 44:28

Israel ram chungah ro caah ram zeihmanh an ngeih awk a si lai lo; keimah cu an ro cu ka si. Israel ram chungah tinvo rorah zeihmanh na pe hna lai lo, keimah cu an tinvo cu ka si.

NAMBAR 26:62

Cun annih lak i relmi, thla khat ri in a cunglei pa hna cu, sang hnih le thong thum an si; annih cu Israel mi lakah rel an si lo, zeitintiah Israel mi lakah annih cu ro pek an si lo.

LAMKALTU 8:21

Pathian mithmuh ah na lung kha ahmaan lo caah kan rian ṭuannak ah hin zeihmanh naa tel venak a um lo.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 14:27

Cun nan khua chungah a ummi Levi mi kha nan hlaw lai lo, zeitintiah anih cu nanmah sinah covo siseh, ro siseh a ngei lo.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

JOSHUA 14:3

zeitintiah Moses nih Jordan tiva ral ah phun hnih le a cheu cu ro kha a pek cang hna; sihmanhsehlaw annih lakah Levi mi hna cu ro a pe hna lo.