DEUTERONOMI 10:8 - Lai (Hakha) Common Language Bible 2006

⁸ Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

DEUTERONOMI 10:8 ပူးပေါင်းရင်းမြစ်များ

1 SIANGPAHRANG 8:6

Cun tlangbawi hna nih khan Bawipa biakamnak kuang cu amah hmun ah inn chung chungchin hmunthiang, hmunthiang bik, cherubim hna thla toiah khan an chiah.

1 CHANRELNAK 15:2

Cun David nih, “Levi mi dah ti lo nih cun ahohmanh nih Pathian kuang cu i zawn hna hlah seh, zeitintiah annih cu Bawipa nih Bawipa kuang i zawnh awk le a rian ṭuan zungzal awkah a thim hna,” tiah a ti.

1 CHANRELNAK 15:26

Cun Bawipa biakamnak kuang a zawntu Levi mi hna cu Pathian nih a bawmh hna caah, annih nih cawtum pasarih le tuutum pasarih an thawi hna.

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

1 CHANRELNAK 23:26

Cucaah Levi mi hna nih puan biakinn kha siseh, a chung rianṭuannak ca i thilthuam si hna seh, an phorh a herh ti lo,” a ti;

2 CHANRELNAK 29:11

Ka fapale hna, atu cu thluarthlap in um hlah u, zeitintiah Bawipa nih nannih cu a hmai i dir awk le amah rianṭuan awk le amah rianṭuantu si awk le amah sinah zihmui khangh awkah an thim hna,” tiah a ti.

2 CHANRELNAK 30:27

Cun tlangbawi hna le Levi mi hna kha an dir i mi kha bongmal an sawmh hna i an aw cu theih a si i an thlacamnak cu vancung i a umnak hmunthiang kha a phan.

SALM 134:1

Bawipa sal vialte hna, ra u law Bawipa cu thangṭhat u sih, zan i a biakinn chung i rian a ṭuanmi vialte hna, amah cu thangṭhat u sih.

SALM 134:2

Thlacam in a biakinn chungah nan kut hler u law Bawipa cu thangṭhat u.

SALM 135:2

Bawipa inn chungah a dirmi hna, kan Pathian hmunthiang chungah a ummi hna, a min cu thangṭhat u.

JEREMIAH 15:19

Cun Bawipa nih hi bangin a leh; Ka sinah na kir ṭhan ahcun kan lak ṭhan lai i ka hmaiah na dir lai. Bia ṭha chim kha na thiam i bia chia kha na hlawt ahcun, Ka bia chimtu na si lai.

EZEKIEL 44:11

Biakinn kutka kha an zohkhenh hna lai i khika ah rian an ṭuan lai. Mi zapi ca i khangh thawinak hna le raithawinak hna kha anmah nih cun an thah hna lai i mi zapi caah cun rian kha an ṭuan lai.

EZEKIEL 44:15

Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha ṭha tein an zohkhenh; hi hna tu nih hin cun ka rian ṭuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.

LEVITIKAS 8:9

Cun lupawng a ponh i a lupawng cungah, hmailei ah, sui kheng, a thiangmi bawi luchin cu, a benh; Moses nih Bawipa nih nawl a pek bang khan a tuah.

LEVITIKAS 9:22

Cun Aaron nih mi zapi leiah cun a kut a hler hna i thluachuah a pek hna. Cun sual thawinak le khangh thawinak le daihnak thawinak hna a thawi dih in a rung ṭum.

NAMBAR 3:31

Cun annih nih an zohkhenh awk hnga cu kuang le cabuai le meiinn tung le biakṭheng hna le, tlangbawi nih an hmanmi hmunthiang umkheng hna cu le puanzar an si lai; mah hna he aa tlaimi rian vialte.

NAMBAR 3:6

“Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.

NAMBAR 4:15

Cun Aaron le a fapa hna nih hmunthiang le hmunthiang thilthuam vialte cu an khuh dih tikah, riahhmun cun aa thawh lioah, cu hnuah Kohath fapa hna cu mah hna hi zawnh awkah an ra lai, sihmanhsehlaw thil thiang kha an tawng hrimhrim hna lai lo, an thi sual hnga. Mah hna hi tonnak thlam thilri Kohath fapa hna nih an i zawnh awk hnga cu an si.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

ROM 12:7

midang ca rianṭuan kha a si ahcun, cuticun kan ṭuan awk a si; cawnpiak kha a si ahcun kan cawnpiak hna awk a si;

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

DEUTERONOMI 17:12

Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

DEUTERONOMI 18:5

Zeitintiah Bawipa nan Pathian nih Bawipa min in dir i rianṭuan zungzal awkah amah le a fapa hna cu nannih nan phun vialte chungin a thim hna.

DEUTERONOMI 21:3

cun thahmi mipa a naih bik khua upa hna nih khan, cawla pakhat rian a ṭuan bal rih lo i hngawng kual zong banh a si bal rih lomi cu an lak lai.

DEUTERONOMI 21:5

Cun Levi fapa hna, tlangbawi hna kha hmaiah an ra chuak lai, zeitintiah Bawipa nih amah rian ṭuan awkah le Bawipa min in thluachuah pek awk caah a thim cang hna i, an bia in tazacuainak vialte le i tukdennak vialte cu biachah a si lai.

DEUTERONOMI 31:9

Cun Moses nih hi phungbia cu a ṭial i Bawipa biakamnak kuang a putu Levi fapa tlangbawi hna sin le Israel mi upa vialte hna sinah a pek.