DEUTERONOMI 1:8 - Lai (Hakha) Common Language Bible 2006

⁸ Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 1:8 ပူးပေါင်းရင်းမြစ်များ

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

GENESIS 15:16

Na tefa hna cu chan li hnuah an ra kir ṭhan lai, zeicahtiah Amor mi hna cu dantat awk tlak hrimhrim in an sual tik lawngah ka ṭhawl hna lai,” a ti.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

NEHEMIAH 9:15

Cun an rawlṭamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

EXODUS 33:1

Bawipa nih Moses kha a thawh i, “Hi hmun hin Izipt ram i na chuahpimi hna he khan chuak u law, Abraham le Isak le Jakob sinah, ‘Hi ram hi nan tefa ka pek hna lai,’ tiah bia ka kammi ram ah khan kal u.

JEREMIAH 32:22

Cun an pupa hna sinah chiatser in na kammi hi ram, khuaihliti le cawhnuk in a luangmi ram hi annih cu na pek hna.

EZEKIEL 47:14

Kut hler in nan pupa hna sinah pek awkin chiat ka sermi ram cu pakhat le pakhat nan i cheu cio lai; camcawhfung khiah in nan ro ca ding cio ah khan pek nan si lai.

NAMBAR 14:23

an pupa sin i kan pek hna lai ti i chiat ka sermi ram kha an hmu lai lo, ahohmanh a ka zawmtaimi nih cun an hmu lai lo.

NAMBAR 32:11

‘Izipt ram in a chuakmi, kum kul in a cunglei paohpaoh nih, an ka zulh taktak lo caah, Abraham, Isak, le Jakob sinah pek awk i chiat ka sermi ram cu an hmu hrimhrim lai lo;

DEUTERONOMI 1:11

Bawipa, nan pupa hna Pathian nih cun, atu nakin a let thong khat in in karhter hna seh law, thluachuah in pe hna seh, bia an kam hna bang khan!

DEUTERONOMI 1:35

‘Hi chan ṭhalo chung mi hna lak hin, nan pupa hna sinah pek awkin chiat ka sermi ram ṭha cu pakhat hmanh nih an hmu lai lo.

DEUTERONOMI 10:11

Cun Bawipa nih ka sinah, ‘Tho law, an pupa hna sinah pek awkin chiat ka sermi ram kha an luhhnawh i an co nakhnga, mi hna cu hmaisak tuah hna,’ tiah a ti.

DEUTERONOMI 11:24

Nan keza nih a lamhmi hmun paoh cu nan ta a si lai; nan ram cu ramlak in Lebanon tiang, cun tiva in, Zufrates tiva in nitlaklei rili tiang a si lai.

DEUTERONOMI 11:9

Bawipa nih nan pupa hna sinah anmah le an tefa hna sinah pek awkin chiat a sermi ram, cawhnuk le khuaihliti in a luangmi ram ah cun, saupi nan um nakhnga.

DEUTERONOMI 2:29

Jordan ka tan i Bawipa kan Pathian nih a kan pekmi ram chungah ka luh hlantiang Seir ah a ummi Esau fapa hna le Ar ah a ummi Moab mi hna nih ka cungah an tuah bangin, ka ke in hei ka lanhter men ko,’ tiah ka ti.

DEUTERONOMI 26:15

Na umnak hmun thiang vancung khin run zoh law, kan pupa hna sinah chiat na ser bangin, na mi Israel le na kan pekmi ram, cawhnuk le khuaihliti in a luangmi ram hi, thluachuahnak pe ko,’ tiin nan ti lai.

DEUTERONOMI 26:3

Cu caan lio i rian a ṭuantu tlangbawi sinah cun nan kal lai i amah sinah, ‘Bawipa nih kan pupa hna sinah pek awkin chiat a sermi ram chungah kan lut cang, tiah Bawipa na Pathian sinah nihin ah nangmah cu kan thanh,’ tiah nan ti lai.

DEUTERONOMI 28:11

Bawipa nih nanmah pek awkah nan pupa hna sinah chiat a rak sermi ram chungah khan Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.

DEUTERONOMI 29:12

Cu nan dir cu, Bawipa nan Pathian nih, nihin ah chiatser i a tuahmi biakamnak Bawipa nan Pathian biakamnak chungah nan luh nakhnga caah a si.

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 31:7

Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.

DEUTERONOMI 34:4

Cun Bawipa nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

DEUTERONOMI 6:10

“Cun na pupa hna Abraham, Isak le Jakob sinah Bawipa na Pathian nih pek awkah chiat a sermi ram cu — nangmah nih na sakmi a si lomi khua nganngan le khua ṭhaṭha hna le,

DEUTERONOMI 7:12

“Cun hi phunglam kha nan ngaih hna i nan tuah hna caah Bawipa nan Pathian nih nan pupa hna sinah zulh awk i chiat a sermi biakamnak le a fekmi dawtnak cu nannih sinah a hmunhter lai;

DEUTERONOMI 7:13

an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.

DEUTERONOMI 7:8

Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a ṭhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.

DEUTERONOMI 8:1

“Nan nundam i nan karh i Bawipa nih nan pupa hna sinah pek awkin chiat a sermi ram cu nan co nakhnga, nihin ah kan pekmi hna nawlbia vialte cu ṭha tein nan tuah lai.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

HEBRU 6:13

Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,

HEBRU 6:14

“Nangmah cu thluachuahnak kan pek lai i tefa tampi kan pek lai tiah bia kan kam,” tiah a ti.

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

BIACEIHTU 2:1

Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i