DEUTERONOMI 1:7 - Lai (Hakha) Common Language Bible 2006

⁷ i mer u law, i thawh u law, Amor mi hna umnak tlangram le an pawngkam ram hna Arabah ah siseh, tlangram ah le ramniam ah siseh, Negeb le rilikam ram ah siseh, Kanaan mi hna ram ah siseh, Lebanon ah siseh, tiva ngan Zufrates tiva tiang va kal u.

DEUTERONOMI 1:7 ပူးပေါင်းရင်းမြစ်များ

GENESIS 12:9

Cun thlanglei ah khan riahhmun pakhat hnu pakhat in a vung i thawn chin lengmang i Negeb ram tiang a phan.

2 SAMUEL 8:3

Cun David nih Zufrates tiva kha uk ṭhan awk i a kalpah ah Zobah siangpahrang Rehob fapa Hadadezer zong kha a tei.

1 CHANRELNAK 18:3

David nih Zufrates tiva i a lungphun bunh awk i a kalpah ah Hamath lei i a ummi Zobah siangpahrang Hadadezer zong kha a tei.

1 CHANRELNAK 27:29

Sharon i a tlongmi saṭil run a zohkhenhtu hna cu Sharon mi Shitrai a si; nelrawn i a tlongmi saṭil run zohkhenhtu hna cu Adlai fapa Shafat a si.

1 CHANRELNAK 5:9

Nichuahlei ah Zufrates tiva hi lei kam thetse ram luhnak tiang khan a um fawn, zeicahtiah Gilead ram ah an saṭil kha a karh.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

AMOS 2:9

Asinain, an hmaiah Amor mi kha a hrawktu hna cu keimah ka si, Amor mi cu sidar thing bantukin an sang i kuhthing bantukin an ṭhawng nain, Keimah nih cunglei i an thei le tanglei i an hram cu ka hrawh hna.

NAMBAR 10:12

Israel mi hna cu Sinai ramlak khan an i thawh i riahhmun riahhmun lengmang in an kal i, minmei cu Paran ramlak ah khan a dir.

DEUTERONOMI 1:19

“Bawipa kan Pathian nih nawl a kan pek bang khan Horeb in kan tho i, Amor mi hna tlangram i hung kalnak lam i nan hmuhmi a kau le ṭih a nungmi ramlak kha kan tan i, Kadesh-Barnea kha kan phan.

DEUTERONOMI 11:11

sihmanhsehlaw co awkah nan kalhnawh laimi ram cu tlang le nelrawn an umnak hmun, van ruah ti a dingmi,

DEUTERONOMI 11:24

Nan keza nih a lamhmi hmun paoh cu nan ta a si lai; nan ram cu ramlak in Lebanon tiang, cun tiva in, Zufrates tiva in nitlaklei rili tiang a si lai.

JOSHUA 1:4

Ramlak le hi Lebanon tlang in tiva ngan Zufrates tiang, Hit mi hna ram vialte nitlaknak leiah Rili Ngan tiang; nan ram a si lai.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

JOSHUA 9:1

Jordan tiva ral tlangram le rawnram Rili Ngan kam ram thluahmah in Lebanon tlang tiang i a ummi Hit mi hna le Amor mi hna le Kanaan mi hna le Periz mi hna le Hiv mi hna le Jebus mi hna siangpahrang vialte hna nih mah hi kong cu an theih tikah,

BIAPHUAN 9:14

Muko aa putmi vancungmi paruknak kha aw nih cun a thawh i, “Tiva nganpi Zufrates ah hrenmi vancungmi pali kha thlah hna,” tiah a ti.