DEUTERONOMI 1:30 - Lai (Hakha) Common Language Bible 2006

^30-31 Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,’ tiah ka ti.

DEUTERONOMI 1:30 ပူးပေါင်းရင်းမြစ်များ

2 CHANRELNAK 32:8

Amah sin i a ummi cu titsa hriamnam a si, sihmanhsehlaw kan sin i a ummi cu Bawipa kan Pathian a si, amah nih a kan bawmh lai i kan ral hna cu a kan dohpiak lai,” tiah a ti. Cun Judah siangpahrang Hezekiah bia cun mi nih zumhnak an i lak.

NEHEMIAH 4:14

Cun thil umtuning kha ka hei zoh i, tuavon hna le bawi hna le mi zapi a dang dang hna kha, “Annih cu ṭih hna hlah u. A lian a ngan i ṭih a nungmi Bawipa kha hngal camcin tuah u, cun nan unau hna le nan fapa hna le nan fanu hna le nan nupi hna le nan inn hna caah khan do hna u,” tiah ka ti hna.

NEHEMIAH 4:20

Cucaah muko tum thawng nan theihnak hmun paoh ah, khika ah kan sinah nan i pum tawn lai. Kan Pathian nih a kan dohpiak lai,” tiah ka ti.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

EXODUS 10:21

Bawipa nih Moses cu a thawh i, “Van leiah khin na kut hler law, khuamui a muih tuk ah a fah in a fakmi nih Izipt ram kha a dihlak in khuh seh,” a ti.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

DEUTERONOMI 1:29

Cun kei nih kan thawh hna i, ‘Therphang in um hlah u, annih kha ṭih hna hlah u.

DEUTERONOMI 11:3

Izipt ram chungah Izipt siangpahrang Faro le a ram vialte cungah a tuahmi a hmelchunhnak le khuaruahharnak;

DEUTERONOMI 29:2

Cun Moses nih Israel mi vialte cu a kawh hna i annih cu, “Izipt ram chungah, nan hmaika ah Faro cung le a sal hna cung le a ram dihlak cungah Bawipa nih a tuahmi thil vialte kha nan hmuh cang;

DEUTERONOMI 3:22

Nan ṭih hna lai lo, zeitintiah Bawipa nan Pathian cu an dohpiaktu hna a si,’ tiah ka ti.

DEUTERONOMI 31:3

Bawipa nan Pathian cu amah hrimhrim nan hmaiah a kal lai; hi miphun hna cu nan hmaiah a hrawh hna lai, cucaah nan pawnchuah hna lai; Joshua nih hmai an sak hna lai, Bawipa nih a chim bang khan.

DEUTERONOMI 34:11

Izipt ram chung i Faro le a sal vialte hna le a ram dihlak cungah, hmelchunhnak le khuaruahharnak, Bawipa nih Moses a tuahtermi bantuk le

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 7:18

annih cu nan ṭih awk a si lo, sihmanhsehlaw Bawipa nan Pathian nih Faro le Izipt vialte cungah a tuahmi le

JOSHUA 10:14

Cu bantuk ni, Bawipa nih minung aw a ngaih ni bantuk kha, cu hlanah siseh cu hnuah siseh a um bal lo; zeitintiah Bawipa nih Israel cu a dohpiak.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

JOSHUA 23:3

cun nannih nih Bawipa nan Pathian nih hi miphun vialte hna cungah nan caah a tuahmi kha nan hmuh cang, zeitintiah nannih an dohpiaktu hna cu Bawipa nan Pathian kha a si.