DEUTERONOMI 1:18 - Lai (Hakha) Common Language Bible 2006

¹⁸ Cun khi caan ah nan tuah awk hnga thil vialte kongah nawl kan pek hna,” a ti.

DEUTERONOMI 1:18 ပူးပေါင်းရင်းမြစ်များ

EXODUS 18:20

Cun nawlbia le phunglam kha na cawnpiak hna lai i zeitindah an nun awk a si ti le zeidah an tuah awk a si ti kha na hngalhter hna lai.

EXODUS 18:22

Annih nih biaceihtu an si tikah zungzal ca in an si lai. Bia har deuhdeuh kha na sinah an chuahpi lai, asinain a hme deuh pawl kha cu anmah nih an ceih lai. Cu nih cun na caah rian kha a fawiter deuh lai i na thilrit kha an in chan lai.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

DEUTERONOMI 12:28

Bawipa nan Pathian mithmuh ah a dik le a ṭha kha nan tuah tikah, nanmah caah a ṭhat nakhnga, hi nawl kan pekmi hna bia vialte hi ṭha tein ruat tuah u.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

DEUTERONOMI 4:5

Zohhmanh, nannih nih co awk i nan luhhnawhmi ram ah nan tuah hna nakhnga, Bawipa ka Pathian nih nawl a ka pek bangin nawlbia le phunglam hna cu kan cawnpiak cang hna.