DEUTERONOMI 1:11 - Lai (Hakha) Common Language Bible 2006

¹¹ Bawipa, nan pupa hna Pathian nih cun, atu nakin a let thong khat in in karhter hna seh law, thluachuah in pe hna seh, bia an kam hna bang khan!

DEUTERONOMI 1:11 ပူးပေါင်းရင်းမြစ်များ

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 49:25

Nangmah bawmtu cu na pa i a Pathian, Nangmah thluachuah an petu Lianngan Bik Pathian kha a si. Cunglei van ruah thluachuahnak le Tanglei ti thuk thluachuahnak le Hnuk thluachuahnak le Paw thluachuahnak le

2 SAMUEL 24:3

Sihmanhsehlaw Joab nih siangpahrang cu a thawh i, “Bawipa na Pathian nih, siangpahrang ka bawipa nih a mit in a hmuh khawh lioah, atu i nak hin let za khat in mi cu chap ko hna seh; sihmanhsehlaw zeicahdah mah bantuk tuah hi siangpahrang ka bawipa nih hin na duh?” tiah a ti.

1 CHANRELNAK 21:3

Sihmanhsehlaw Joab nih a thawh i, “Bawipa nih a mi hna cu atu i nak hin let za khat in chap ko seh! Siangpahrang ka bawipa, annih cu an dihlak tein ka bawipa sal an si ko lo maw? Zeicahdah ka bawipa nih mah hi cu na herh? Zeicahdah Israel mi cungah mawhnak na tlunter lai?” tiah a ti.

SALM 115:14

Bawipa nih nangmah le na fale cu, tefa in pe ko hna seh!

EXODUS 32:13

Na sal Abraham le Isak le Israel kha philh hna hlah law, an sinah na min chalh in chiatser in bia naa kam i, ‘Van i a ummi arfi zat khin tefa kan pek hna lai. Kan kamhmi hna ram hi a dihlak in nan tefa kha ka pek hna lai i anmah ta zungzal in a si lai,’ na timi zong kha philh sawh hlah,” a ti.

EZEKIEL 16:7

A hring zungzalmi thing, lo lak i a ummi thingkung bantukin kan cawngh i na nung i na ṭhang. Na hung ngaknu, na hnuk hna cu an hung bom i na sam cu an hung sau, sihmanhsehlaw taklawng na si ko rih i na lang ko rih.

NAMBAR 22:12

Pathian nih Balaam cu, “An sinah na kal hnga lo; cu mi hna cu chiat na serh hna hnga lo, zeitintiah thluachuakmi an si,” tiah a ti.

NAMBAR 6:27

“Cu bangin ka min cu Israel mi hna cungah an chiah lai i thluachuahnak ka pek hna lai,” tiah a ti.

DEUTERONOMI 1:10

Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.

DEUTERONOMI 1:12

Zeitindah keimah lawng nih nan hnahnawhnak le nan thilrit le nan phunzainak cu ka phorh khawh lai?

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 10:22

Na pupa hna nih Izipt ram ah an vung kal tikah sawm sarih an si; atu ah cun Bawipa na Pathian nih van arfi zat in nan tam leiah an ser cang hna.

DEUTERONOMI 28:62

Bawipa nan Pathian aw kha nan ngaih lo caah, van i arfi zat a rak si tawnmi kha tlawmte lawng nan tang lai.