DANIEL 9:6 - Lai (Hakha) Common Language Bible 2006

⁶ Kan siangpahrang hna le kan bawi hna le kan pupa hna le hi ram chung mi vialte hna sinah nangmah min in bia a rak chimtu na sal na profet hna cu an bia kan rak ngai hna lo.

DANIEL 9:6 ပူးပေါင်းရင်းမြစ်များ

2 SIANGPAHRANG 18:12

zeicahdah a si tiah annih nih Bawipa an Pathian aw kha an ngai lo i a biakamnak kha an buar, Bawipa sal Moses nih nawl a pekmi vialte hna hmanh kha an buar; a ngaih zong an ngai duh lo, a tuah zong an tuah duh lo.

2 CHANRELNAK 33:10

Bawipa nih Manasseh le a mi hna sinah khan bia a chim ko nain zeihmanh ah an rel lo.

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

NEHEMIAH 9:32

“ ‘Cucaah atu cu kan Pathian, a lian a ngan i a ṭhawng i ṭih a nungmi Pathian, biakamnak a tlinter i a fekmi dawtnak a langhtertu, kan cung le kan siangpahrang hna le kan bawi hna le kan tlangbawi hna le kan profet hna le kan pupa hna le na mi dihlak cungah, Assiria siangpahrang hna chan in nihin tiang a tlungmi harnak vialte hi thil hmetuai ah rel sawh hna hlah.

NEHEMIAH 9:34

kan siangpahrang hna, kan bawi hna, kan tlangbawi hna le kan pupa hna nih na pekmi hna na phungbia kha an ul lo i na nawlbia hna le ralrinnak na pekmi hna kha zei ah an rel lo.

JEREMIAH 26:5

nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw,

JEREMIAH 29:19

Hihi an cungah a tlung lai, zeicahtiah annih sinah ka profet kha ka thlah lengmang ko hna nain, ka bia kha an ngai duh lo, tiah Bawipa nih a ti.

JEREMIAH 44:16

Kannih kan i hren chihnak biakamnak kha tlinter awkah kan i tim.

JEREMIAH 7:13

Cun atu cu hi thil vialte hi nannih nih nan tuah ve, tiah Bawipa nih a ti; nannih sinah ngol lo tein bia ka chim, sihmanhsehlaw nan ngai duh lo, kan auh hna zongah nan ka let duh lo.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

DANIEL 9:10

Bawipa kan Pathian cu na bia kan in ngai lo, na sal profet hna thawngin kan caah na chiahmi na phunglam cu kan zul hna lo.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

LAMKALTU 13:27

Zeicahtiah Jerusalem i a ummi hna le an hruaitu hna nih khan amah cu Khamhtu a si kha an hngal lo i cuhleiah Sabbath fate an rel lengmangmi profet bia hna zong kha a sullam an hngal hna lo. Sihmanhsehlaw Jesuh an thahnak thawng khan profet bia kha an tlinter hna.