DANIEL 9:26 - Lai (Hakha) Common Language Bible 2006

²⁶ Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

DANIEL 9:26 ပူးပေါင်းရင်းမြစ်များ

2 SAMUEL 21:5

Siangpahrang sinah cun, “Kannih nih Israel ram chung paohpaoh ah hin hmun kan ngeih nakhnga loin a rak kan hlo i kannih hrawh awkah khua a rak khangtu

SALM 22:15

Ka hrom cu leidip ro in a ro, ka lei cu ka dang cunglei ah aa beh. Leidip lak i hung thi dingah na ka kaltak.

ISAIAH 28:2

Anmah dohtu dingah a ṭhawng i a liannganmi pakhat Bawipa nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

ISAIAH 28:22

Ralrinnak kan pekmi hna hi nan nih men chuak hlah seh. Nan nih a chuah ahcun nan caah luatnak a har chinchin lai. Ralkapbu Bawipa nih ram cu a dihlak in ka hrawh lai a timi kha ka theih cang.

ISAIAH 53:8

An tlaih, thah awkin bia an khiah i thah awkah an kalpi, zei ti a va um te lai ding kha ahohmanh an zei a poi lo.

ISAIAH 8:7

Bawipa nih Zufrates Tiva tilian cu an cungah a tlunter lai, cucu Assiria siangpahrang le a sunparnak kha an si; an tiluannak kahcham vialte le an titlang vialte kha a phum dih hna lai i

JEREMIAH 46:7

Nail tiva lianh bantukin a lianmi hi ahodah a si? Tiva a ti a kai uahmahmi bantuk hi?

JEREMIAH 51:42

Rili nih Babilon cu a phum cang, A awn hluahmahmi tilet hna nih cun an khuh cang.

DANIEL 11:10

A fapale nih khan Siria siangpahrang cu ralkapbu nganpi kan pumh hna lai, tiah an hnek lai. An lak i pakhat cu dawnh khawh lomi tilian bantukin a lan thluahmah ko lai i an ral hna ralhruang a phanh tiang a nam chih lengmang ko hna lai.

DANIEL 11:17

Thlanglei siangpahrang pennak vialte cu a kut tang i chiah awkah aa tim lai, cun a ral kha tei awkah a fanu pakhat kha rak ṭhit awkah a hei thlahhnawh lai, sihmanhsehlaw cu ngaknu cu sau a um lai lo i aa tinhmi zong kha a tlinh kho fawn lai lo.

DANIEL 11:22

Amah a dohtu ralkapbu kha a tei thluahmah hna lai i Pathian tlangbawi hmanh kha a hloh lai.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

AMOS 8:8

Hi ruangah hin vawlei hi i hnin loin a um kho hnga maw? A cung i a ummi vialte hna cu ngaihchia loin an um kho hnga maw? Ram cu a pumpi in Nail tiva lian bantukin a tho lai i Izipt Tivapi bantukin a hlonh in aa hlonh lai.

AMOS 9:5

Bawipa ralkapbu Pathian nih vawlei kha a tawngh i a ti dih, A cung i a ummi vialte cu an ro dih; Nail tiva lian bantukin vawlei cu a tho i Izipt Tivapi bantukin a ṭum ṭhan.

NAHUM 1:8

Tilian nih thil a hrawh bantukin a hrawh hna i Sihmanhsehlaw amah a dohtu a ral hna cu khuamui chungah a dawi hna.

MATTHAI 22:2

“Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.

MATTHAI 23:38

Atu cu na inn cu kin taktak in a king cang lai.

MATTHAI 24:2

Aa thawh i, “Hihi nan hmuh cio ko hna a si lo mei? Sihmanhsehlaw hihi kan chimh hna: lung pakhat hmanh hi a umnak kel ah a ummi an um te lai lo, an dihlak tein chimh an si dih lai,” tiah a ti.

MARKA 13:2

Jesuh nih, “Hi inn ngan pipi hi na hmuh hna a si lo mei? Pakhat hmanh an umnak hmun i a ummi an um te lai lo; an dihlak hin chimh an si dih lai,” tiah a leh.

MARKA 13:7

Cun lamnai i raltuknak thawng nan theih ah siseh, lamhla i nan theih ah siseh, nan awlok chong hlah u. Cu bantuk cu a um awk a si ko, sihmanhsehlaw a donghnak a phan cang, tinak a si lo.

MARKA 9:12

Jesuh nih cun, “Zeizong vialte rak timh chung awkah Elijah cu a ra hmasa taktak ko. Asinain, zeicahdah Cathiang nih, Mi Fapa nih temhinnak tampi a huah lai i a hlawt zong hlawt a si lai, tiah a ti hnga?

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

LUKA 21:6

Jesuh nih aa thawh i, “Mah hi vialte hi nan hmuh, sihmanhsehlaw hika i lung vialte hi pakhat hmanh an umnak hmun cio i kaltak loin hlonh an si dih lai caan a tlung lai,” tiah a ti.

LUKA 24:26

Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti.

LUKA 24:46

Annih cu a thawh hna i, “ ‘Messiah nih cun sifahnak kha a in lai i ni thumnak ni ah thihnak in a tho ṭhan lai,

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i