DANIEL 9:20 - Lai (Hakha) Common Language Bible 2006

²⁰ Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

DANIEL 9:20 ပူးပေါင်းရင်းမြစ်များ

EZRA 10:1

Ezra cu thla a cam i sual phuannak a tuah i a ṭah i Pathian inn hmaiah cun a rilh ko lioah khan, mibu nganpi, nu he ngakchia he Israel mi chungin amah sinah khan an i pum i mi cu lunghno ngaiin an ṭap.

NEHEMIAH 1:6

Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang.

SALM 145:18

A autu vialte hna cu an pawng khin an umhnawh hna, lungtak in a autu vialte hna cu.

SALM 32:5

Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

DANIEL 10:2

Khi caan ah cun kei Daniel cu zarh thum kheng zun ngaiin ka um. Rawl thaw paohpaoh kha ei kaa sum, sa zong ka ei lo, zu zong ka ding lo, cun zarh thum a dih hlan cu sathau zong kaa thuh lo.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

BIAPHUAN 21:10

Thlarau nih cun a ka tlaih i vancungmi nih khan tlang sangpi pakhat par ah a ka kaipi. Cun Jerusalem, Khua Thiang kha Pathian sinin vancung in a rung ṭum kha a ka hmuhsak.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.