DANIEL 9:18 - Lai (Hakha) Common Language Bible 2006

¹⁸ Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

DANIEL 9:18 ပူးပေါင်းရင်းမြစ်များ

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

2 SIANGPAHRANG 19:16

Maw Bawipa, na hna chi law thei tuah, na mit cu au law hmu tuah; cun Sennakherib nih a nungmi Pathian zawmhtaih awkah a chimmi bia hi thei tuah hna.

SALM 116:1

Bawipa nih ka thlacamnak kha a ka ngaihpiak i a ka theihpiak caah Bawipa cu ka dawt.

SALM 25:6

Maw Bawipa, hlan piin ka cungah na rak langhter tawnmi na dawtnak fek le na zaangfahnak cu philh hna hlah.

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

ISAIAH 64:12

Bawipa, hi thil nih hin na lung an hnorsuang hrim lo maw? Zeihmanh tuah loin maw na um ko lai kan celh lo tiangin na kan inter ko lai?

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

JEREMIAH 14:9

Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw Bawipa, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

JEREMIAH 25:29

Ka min in auhmi khua cu dan ka tat hmasa bik lai; nannih cu kan luat hnga tiah nan i ruat maw? Luat hlah, nan luat kho lai lo, zeicahtiah vawlei cung i khua a sami vialte tuknak caah vainam kha ka au lio, tiah Ralkapbu Bawipa nih a ti,’ na ti hna lai.

JEREMIAH 36:7

Hi mi hna cungah hin Bawipa nih thinhunnak a nganmi le thinlinhnak a nganmi in bia a chim caah hin, annih nih Bawipa sinah khan zaangfahnak an hei hal phum ko hnga,” tiah a ti.

JEREMIAH 37:20

Cucaah, maw siangpahrang ka bawipa, kan nawlnak cu ka ngaihpiak ko sawh: caṭialtu Jonathan inn ah cun ka kua ṭhan ti hlah, na ka kuat a si ahcun, khika ah ka thi taktak ko lai,” tiah a ti.

EZEKIEL 36:22

“Cucaah Israel mi cu, hihi Bawipa Pathian bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

EZEKIEL 36:32

Hi ti ka tuah hi nanmah ruangah a si lo ti kha fiang tein hngal u, tiah Bawipa Pathian nih a ti. Cucaah Israel mi hna, nan ziaza ruangah ningzak hmaichia in um tuah u,” a ti.

DANIEL 9:7

Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

NAMBAR 6:27

“Cu bangin ka min cu Israel mi hna cungah an chiah lai i thluachuahnak ka pek hna lai,” tiah a ti.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.