DANIEL 8:8 - Lai (Hakha) Common Language Bible 2006

⁸ Cun mehehtum cu aa porhlaw chin lengmang i a ṭhawn salingte ah cun a ki ngan cu a kiak buk ko. Cun a hmun ah cun ki pali an hung chuak i kaa dang lei cio kha an sawh.

DANIEL 8:8 ပူးပေါင်းရင်းမြစ်များ

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

ESTHER 9:4

Mordekai cu siangpahrang inn chungah khan mingan a si i peng dihlak ah khan a min cu a thang chin lengmang i Mordekai cu nawl a ngei chin lengmang.

JEREMIAH 49:36

Van ṭhen li i ṭhenmi khan Elam cungah thli pali ka tlunter lai; Hi thli pali hna sinah hin ka ṭhek hna lai i Elam ram in saltang an phanh lonak miphun zeihmanh an um lai lo.

JEREMIAH 5:27

Va in a khatmi bawm bantukin an inn cu hlennak in a khat. Cucaah annih cu an ngan i an rum,

EZEKIEL 16:7

A hring zungzalmi thing, lo lak i a ummi thingkung bantukin kan cawngh i na nung i na ṭhang. Na hung ngaknu, na hnuk hna cu an hung bom i na sam cu an hung sau, sihmanhsehlaw taklawng na si ko rih i na lang ko rih.

EZEKIEL 28:9

Nangmah an thattu hna nih an in dir-onh tikah khan, Pathian ka si, na ti ko rih lai maw? Nangmah an thattu hna kut chungah chungah cun, pathian na si lo, minung na si ko.

DANIEL 11:4

Sihmanhsehlaw a si lingte ah khin a pennak cu a kuai lai i chaklei, thlanglei, nichuah, nitlak tiin aa cheu lai. A pennak cu a tefa hna sinah khan a lan lai lo, midang tu nih an co lai i sihmanhsehlaw amah tlukin an ṭhawng lai lo.

DANIEL 4:31

Cuticun a chim lioah cun vancung in aw pakhat a rung i, “Maw Siangpahrang Nebukhadnezzar, ka bia hi ngai tuah: Na pennak cu chuh na si cang.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

DANIEL 7:2

“Zan i langhnak ka hmuhmi ah keimah Daniel cu khua ka cuan i rili nganpi pakhat, van thli pali hna nih a tilet an thawhtermi kha ka hmuh,

DANIEL 7:6

Hi hnuah hin ka hei zoh ṭhan i a dang pakhat ka hmuh ṭhan, pawlai he aa lomi sahrang a si i a keng ah va thla pali a ngei, hi sahrang hi lu pali a ngei i siangpahrang nawl ngeihnak kha pek a si.

DANIEL 8:22

Ki hmasa bik a kiah i ki dang pali nih a hun rolhtu ki dang pali hna an sullam cu hihi a si: cu pennak chung cun pennak pali an chuak lai, sihmanhsehlaw an ṭhawnnak nih pennak hmasa ṭhawnnak kha a tluk lai lo, tinak a si.

DANIEL 8:5

Mah hihi ka ruah lioah, chikkhatte ah khin nitlaklei in mehehtum pakhat a hung chuak i khulrang tuk in a kal caah a ke nih vawlei a tawng manh lo; a mit pahnih hna karlak ah ki fongpi pakhat a ngei.

DANIEL 8:7

Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

MARKA 13:27

Vawlei kil li ah khan a vancungmi kha a thlah hna lai i vawlei khattelei deng in khattelei deng tiang Pathian thimmi minung kha an pumh hna lai.

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

BIAPHUAN 7:1

Cu hnuah cun vancungmi pali vawlei kil li cung i an dir kha ka hmuh i vawlei cung thlitu pali hna kha, vawlei cungah siseh, rili cungah siseh, thingkung cungah siseh, an hrannak hnga lo an thlauh hna.