DANIEL 8:4 - Lai (Hakha) Common Language Bible 2006

⁴ Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a ṭhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai.

DANIEL 8:4 ပူးပေါင်းရင်းမြစ်များ

1 SIANGPAHRANG 22:11

Cun Khenaanah fapa Zedekiah nih thir ki aa ser hna i, “Hi bangin Bawipa nih, ‘Siria mi cu an rawk dih tiang, mah hi hin na suk hna lai,’ a ti,” tiah a ti.

SALM 44:5

Na ṭhawnnak in kan ral cu kan tei hna; nangmah nih na kan umpinak thawngin kan ral cu kan tei hna.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

EZEKIEL 34:21

A bami kha nan sir le nan liang in nan en hna, nan ki in nan suk hna i nan dawi dih hna i nan ṭhio dih hna.

DANIEL 11:16

Cucaah a rung hranhtu ral nih khan a duhduh in a ṭuan ko lai i ahohmanh nih an dawn kho lai lo. Ram vialte lak i ram dawh bik chungah cun aa hmung lai i cu ram cu a ning piin a kut toiah a um lai.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

DANIEL 7:5

Cun a dang pakhat, a pahnihnak cu ka hmuh ṭhan i vom bantuk a si. Ui ṭhut in a ṭhu i a kaa ah hnak ruh pathum aa seh. Amah cu nawl pek a si i, “Tho tuah, na duh tawk in sa cu ei tuah,” ti a si.

DANIEL 8:7

Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

DEUTERONOMI 33:17

A hrin hmasa bik cawtum cu lianhngannak a ngei i A ki hna cu fung ki an si; Cu ki cun mi kha, an dihlak in, vanhramdeng tiang a suk hna lai; Cu hna cu Efraim mi, sang tampi hna cu an si, Hi hna hi Manasseh mi, thong tampi hna cu an si,” tiah a ti.