DANIEL 8:3 - Lai (Hakha) Common Language Bible 2006

³ Khua ka hei zoh i cu ah cun tuukawng pakhat ki pahnih a ngeimi keimah le tiva kam i a dir ko kha ka hmuh. Cu a ki cu an pahnih in an sau i a hnu deuh i a hung khomi cu a dang pakhat nakkhan a sau deuh.

DANIEL 8:3 ပူးပေါင်းရင်းမြစ်များ

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

EZRA 4:5

cun Persia siangpahrang Sairas nun chung vialte, Persia siangpahrang Darius a bawi tiangin, an i tinhmi cu a pelh khawh nakhnga annih nih fimchimtu kha an i roih hna.

ESTHER 1:3

a bawinak kum thum kum ah khan a bawi vialte hna le a sinum hna caah puai a tuah i Persia le Media ralbawi hna le ram uktu bawi hna le tuavon hna kha a hmaiah cun an um i

ISAIAH 13:17

Bawipa nih, “Babilon tuk awkah Media mi kha ka cawlcanghter lio hna. Annih cu ngun kha zeihmanh ah an rel lo i sui zongin lem khawh an si lo.

ISAIAH 21:2

Langhnak ka hmuhmi cu ṭihnung a si ko, i rawinak le i lainak, rawhralnak langhnak a si. Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

JEREMIAH 51:11

Bawipa nih Babilon kha hrawh a timh caah Medes siangpahrang lungthin kha a cawlcanghter hna, A biakinn an hrawh ruangah hi bangin an cungah phu a hlam lai. Ral a tutu ralbawi hna nih, “Nan cantiang kha ta hna u! Nan phaw kha i bei hna u!

DANIEL 10:5

cunglei ka hun zoh i mipa pakhat lahmangṭhia puan aa aih i a tai ah ofir sui taisawm aa sawmhmi kha ka hmuh.

DANIEL 2:39

Nangmah hnuah hin pennak pakhat a hung chuak lai i cucu nangmah pennak nakin a nauta deuhmi a si lai, cun pennak pathumnak a hung chuak rih lai i cu pennak cu dar pennak cu a si lai i cu nih cun vawlei cung dihlak a uk lai.

DANIEL 6:28

Cuticun Daniel cu Darius uk chung le Persia mi Sairas uk chungah thluachuak in a um.

DANIEL 7:5

Cun a dang pakhat, a pahnihnak cu ka hmuh ṭhan i vom bantuk a si. Ui ṭhut in a ṭhu i a kaa ah hnak ruh pathum aa seh. Amah cu nawl pek a si i, “Tho tuah, na duh tawk in sa cu ei tuah,” ti a si.

DANIEL 8:2

Hi langhnak ka hmuhmi ah hin Ulai tiva kam kha ka hei cuan.

DANIEL 8:20

Ki pahnih a ngeimi tuukawng na hmuhmi kha Media le Persia hmuhsaknak a si,

ZEKHARIAH 1:18

Cunglei kha ka hun zoh i ki pali kha ka hmuh hna. A ka chawntu vancungmi kha hi ki pali cu zeidah an sullam a si, tiah ka hal i, “Judah le Jerusalem a ṭhiotu ki an si,” tiah a ka leh.

ZEKHARIAH 2:1

Cunglei ka hun zoh i mipa pakhat tahnak hri aa putmi kha ka hmuh.

ZEKHARIAH 5:1

Cunglei kha ka hun zoh ṭhan i a zuangmi cazual kha ka hmuh.

ZEKHARIAH 5:5

Bia a ka ruahtu vancungmi cu a hung chuak i a ka thawh i, “A hung chuakmi thil khi hei zohhmanh,” tiah a ti.

ZEKHARIAH 5:9

Cun khua ka hei zoh ṭhan i nu pahnih an ra chuak i khulrang in an zuan kha ka hmuh, vaca bantukin thla an ngei i bawm kha van le vawlei karah an zuanpi.

ZEKHARIAH 6:1

Cunglei ka hun zoh ṭhan i tlang pahnih karlak in rangleng pali an chuah kha ka hmuh i tlang cu dar sen in sermi tlang an si.

NAMBAR 24:2

Cun Balaam nih khua a hei zoh i Israel mi cu an hrin an hrinning cio in riahhmun an khuar kha a hmuh hna. Pathian thlarau nih a cungah a rung i,

JOSHUA 5:13

Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.

BIAPHUAN 13:11

Cun sahrang a dang pakhat vawlei chungin a hung chuah kha ka hmuh. Tuufa ki bantuk ki pahnih a ngei i limkeng bantukin bia a chim.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.