DANIEL 8:15 - Lai (Hakha) Common Language Bible 2006

¹⁵ Langhnak ka hmuhmi hi a sullam zeidah a si hnga tiah keimah Daniel nih hngalh kaa zuam. Ruah lopi ah ka hmaiah minung he aa lomi a hung dir khi ka hmuh.

DANIEL 8:15 ပူးပေါင်းရင်းမြစ်များ

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

DANIEL 10:16

Cun chikkhatte ah khin mi bantuk a simi nih ka hmur kha a ka tawngh. Cun ka kaa kha ka hun an i ka hmai i a dir lioah cun ka chawnh i, “Bawipa, hi langhnak nih hin ka thazang a ka lak tuk i ther loin ka um kho lo.

DANIEL 10:18

Cun mipa bantuk a simi nih cun a ka tawngh ṭhan i ka tha cu a hung tlung ṭhan.

DANIEL 10:5

cunglei ka hun zoh i mipa pakhat lahmangṭhia puan aa aih i a tai ah ofir sui taisawm aa sawmhmi kha ka hmuh.

DANIEL 12:8

A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:1

Siangpahrang Belshazzar a bawi kum thum kum ah, Elam ram khuapi Susa khua i ka um lioah langhnak pakhat keimah Daniel sinah a ra lang i hmasa i langhnak ka rak hmuhmi bantuk kha a si.

DANIEL 8:19

Cun a ka thawh i, “Pathian thinhunnak nih zeidah a chuahter lai ti kha kan hmuhsak lai; langhnak na hmuhmi nih hin a sawhmi cu donghnak caan kha a si.

ZEKHARIAH 1:9

“Mah hihi zei dah an si, bawipa?” tiah ka ti i bia a ka ruahtu vancungmi nih khan a ka leh i, “Zeidah an si kha kan hmuhsak lai,” a ka ti.

MATTHAI 13:36

Jesuh nih mizapi cu a kaltak hna i inn chungah a lut. A zultu cu a sinah khan an ra i, “Lo chung belh bianabia sullam kha kan chim tuah,” an ti.

MATTHAI 24:15

“Cun profet Daniel nih, ‘Ṭhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MARKA 13:14

“Sihmanhsehlaw ‘Ṭhiotu Fihnung’ cu a dirnak ding a si lomi hmun ah a dir kha nan hmuh tikah (A reltu nih hi a sullam cu hngal u!) khi tikah Judea ram i a ummi cu tlang leiah nan zam awk a si lai.

MARKA 4:12

Cucaah Cathiang nih a chim bantukin, an zoh lengmang ko lai nain zeihmanh an hmu lai lo; an thei lengmang ko lai nain zeihmanh an hngal lai lo, zeicahtiah an hmuh i an hngalh sual ahcun Pathian lei ah an i mer sual lai i an sualnak kha a ngaihthiam sual ai hna hnga,” tiah a ti.

JOSHUA 5:14

Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.

BIAPHUAN 1:13

Cu mei vannak hna lakah cun minung a lomi pakhat a dir i a kemit phiak in angki fual aa hruk i a ṭang ah sui taisawm pakhat aa sawmh.

BIAPHUAN 13:18

Hika ah hin fimnak hman a hau. A fimmi paoh nih cun sahrang nambar cu an tuak khawh ko lai, zeicahtiah cu nambar cu mi pakhat min ca i hmanmi a si. Cu min nambar cu za ruk sawm ruk paruk a si.