DANIEL 8:13 - Lai (Hakha) Common Language Bible 2006

¹³ Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti.

DANIEL 8:13 ပူးပေါင်းရင်းမြစ်များ

SALM 74:10

Maw Pathian, kan ral nih hin zei can dah an kan nihsawh lai? Na min hi a zungzal in maw an nihsawh ko lai?

SALM 74:9

Kan thil thiang kha an lo dih, profet an um ti lo, hi bantukin thil kha zei can dah a um ti kha ahohmanh nih an hngal lo.

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

ISAIAH 28:18

Thihnak he hnatlak ṭinak nan tuahmi cu hloh a si lai i mithi khua he biakamnak nan tuahmi cu hrawh a si lai. Harnak a tlun tikah nan dir kho lai lo.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

ISAIAH 63:18

Kan ral nih na mi cu an kan dawi dih dengmang i Biakinn cu an thurhhnawmh.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 12:11

Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 12:8

A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

DANIEL 4:10

Ka ihkhun cung i ka ih lioah ka lu chungah a rung lutmi langhnak cu mah hihi a si: Khua ka hei cuanh lioah khin, Vawlei laifang ah thingkung pakhat a sang ngaingaimi a dir kha ka hmuh:

DANIEL 4:13

Cun langhnak a dang pakhat ka ihkhun i ka ih lio i ka hmuh rihmi cu hihi a si: Cu ti i ka zoh ko lioah cun, Vancung in Vengtu Thiang pakhat, a rung ṭum kha ka hmuh.

DANIEL 4:23

Cun maw siangpahrang, nangmah nih na zoh ko lioah cun, Cawngtu pakhat kha van in a rung ṭum i cu nih cun, “Thingkung kha hau u law hrawk u, sihmanhsehlaw a hmui kha cu vawlei chung i a hram hna he khan ngan u. Thir cikcin le dar cikcin khan khit u law lo ah khan rambur lakah khan kaltak u, vandap nih cin cikcek in tlak seh law kum sarih chung saram bantukin um seh,” a ti.

DANIEL 7:16

Keimah Daniel nih khika i a dirmi pakhat kha ka hei fuh i hi thil vialte hna hi an sullam zeidah a si tiah ka hal. Cun amah nih cun a sullam cu a ka chimh.

DANIEL 7:23

Cun hihi a sullam an ka pekmi cu a si: “Sahrang palinak nih hin vawlei cungah pennak a hung chuak ding kha a hmuhsak. Pennak dang he khan an i dang lai i vawlei kha a ei dih lai i a lamh lai i a den lai.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

ZEKHARIAH 14:5

Tlang hna karlak i nelrawn cu phih a si lai, zeicahtiah an karlak i horkuang thar cu Azal tiang a phan lai. Judah siangpahrang Uzziah chan ah lihnin nih a rak phih bantuk khan phih a si lai i Bawipa ka Pathian cu a mithiang vialte hna he khan an lang lai.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

MATTHAI 24:15

“Cun profet Daniel nih, ‘Ṭhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

MARKA 13:14

“Sihmanhsehlaw ‘Ṭhiotu Fihnung’ cu a dirnak ding a si lomi hmun ah a dir kha nan hmuh tikah (A reltu nih hi a sullam cu hngal u!) khi tikah Judea ram i a ummi cu tlang leiah nan zam awk a si lai.

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

LUKA 21:20

Cun Jesuh nih cun, “Nannih nih Jerusalem khua kha ralkap i an kulh nan hmuh tikah a rauh hlanah a rawk cang lai ti kha hngalh u.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

1THESALON 3:13

Cuticun nan lung kha in ṭhawnter hna seh law kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

JUDAS 1:14

Cun Adam thawk in vun rel i paruknak a simi Enok nih khan hi hna kong cu hlanpi ah hitin a rak chim,

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.

BIACEIHTU 13:18

Cun Bawipa vancungmi nih cun amah sinah, “Zeicahdah ka min na ka hal, khuaruahhar a si tiah na hngalh ko ṭung?” tiah a ti.