DANIEL 8:1 - Lai (Hakha) Common Language Bible 2006

¹ Siangpahrang Belshazzar a bawi kum thum kum ah, Elam ram khuapi Susa khua i ka um lioah langhnak pakhat keimah Daniel sinah a ra lang i hmasa i langhnak ka rak hmuhmi bantuk kha a si.

DANIEL 8:1 ပူးပေါင်းရင်းမြစ်များ

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 10:2

Khi caan ah cun kei Daniel cu zarh thum kheng zun ngaiin ka um. Rawl thaw paohpaoh kha ei kaa sum, sa zong ka ei lo, zu zong ka ding lo, cun zarh thum a dih hlan cu sathau zong kaa thuh lo.

DANIEL 10:7

Keimah Daniel lawnglawng nih cu langhnak cu ka hmuh, ka pawng i a ummi hna nih cun an hmu lo, sihmanhsehlaw ṭihnak nganpi nih khan a tlunhnawh hna i an i zukphiak dih i keimah lawng kha ka tang i hi langhnak nganpi cu ka zoh ko.

DANIEL 11:4

Sihmanhsehlaw a si lingte ah khin a pennak cu a kuai lai i chaklei, thlanglei, nichuah, nitlak tiin aa cheu lai. A pennak cu a tefa hna sinah khan a lan lai lo, midang tu nih an co lai i sihmanhsehlaw amah tlukin an ṭhawng lai lo.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

DANIEL 7:15

Langhnak ka hmuhmi hna nih cun ka khuaruah an ka harter i ka lungre a thei ngaingai.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:15

Langhnak ka hmuhmi hi a sullam zeidah a si hnga tiah keimah Daniel nih hngalh kaa zuam. Ruah lopi ah ka hmaiah minung he aa lomi a hung dir khi ka hmuh.

DANIEL 8:2

Hi langhnak ka hmuhmi ah hin Ulai tiva kam kha ka hei cuan.

DANIEL 9:2

keimah Daniel cu cathiang kha ka rel i Bawipa nih profet Jeremiah sinah a chimmi bia ningin Jerusalem khua cu kum sawm sarih chung a rawk lai timi kong kha ka ruat.