DANIEL 7:7 - Lai (Hakha) Common Language Bible 2006

⁷ Cun zan i langhnak ka hmuhmi hna chungah cun, sahrang palinak kha ka hmuh, ṭihnung ngai le tuksapur ngai a si i a ṭhawng hringhranmi a si, a ha cu thir an si i a tin cu dar an si. Zeizong vialte kha a khai hna i a ei hna i a tangmi paoh cu a lamh hna. Amah hlan i a ummi sahrang hna pakhat he hmanh khan an i lo lo, zeicahtiah amah cu ki pahra a ngei.

DANIEL 7:7 ပူးပေါင်းရင်းမြစ်များ

2 SAMUEL 22:43

Vawlei i leidip bantuk ah ka rial hna, Ka den hna i lam i nawncek bantukin ka lamh hna.

JOB 41:14

Aho nih dah a hmai innka cu a hun khawh lai? A ha tian cu ṭihnung a si.

EZEKIEL 40:2

Langhnak kha ka hmuh i cu langhnak chungah cun Pathian nih Israel ram ah khan a ka kalpi i a sang ngaingaimi tlang cungah khan a ka chiah i cuka ah cun keimah lei a hoihmi khuapi chung i a ummi inn bantuk inn pakhat kha ka hmuh.

DANIEL 2:19

Cun langhnak in zan ah cu biathli sullam cu Daniel sinah phuan a si i vancung Pathian cu hitihin a thangṭhat:

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

DANIEL 7:2

“Zan i langhnak ka hmuhmi ah keimah Daniel cu khua ka cuan i rili nganpi pakhat, van thli pali hna nih a tilet an thawhtermi kha ka hmuh,

DANIEL 8:10

Vancung ralkapbu tluk i lianhngan khi a duh i cu bu hna chung i tlawmpal le arfi tlawmpal cu vawlei ah a thlak hna i a lamh hna.

DANIEL 8:22

Ki hmasa bik a kiah i ki dang pali nih a hun rolhtu ki dang pali hna an sullam cu hihi a si: cu pennak chung cun pennak pali an chuak lai, sihmanhsehlaw an ṭhawnnak nih pennak hmasa ṭhawnnak kha a tluk lai lo, tinak a si.

ZEKHARIAH 2:1

Cunglei ka hun zoh i mipa pakhat tahnak hri aa putmi kha ka hmuh.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 13:1

Cun sahrang pakhat rili chungin a hung chuah kha ka hmuh. Ki pahra le lu pasarih a ngei, a ki cungah cun bawiluchin pakhat cio an um i a lu cungah cun Pathian thangchiatnak min pakhat cio an i ṭial.

BIAPHUAN 17:12

“Ki pahra na hmuhmi kha siangpahrang pahra, uknak hram aa thawk rih lomi, sihmanhsehlaw sahrang he suimilam pakhat chung uk ṭi dingin nawl pekmi an si.

BIAPHUAN 17:7

Vancungmi nih cun, “Zeicahdah na khuaruah a har? Minu sullam le aa citmi sahrang, lu pasarih le ki pahra a ngeimi sullam cu kan chimh lai.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.