DANIEL 7:21 - Lai (Hakha) Common Language Bible 2006

²¹ Ka zoh ko lioah cun cu ki cu mithiang mi hna he khan ral an i do i annih cu a tei hna.

DANIEL 7:21 ပူးပေါင်းရင်းမြစ်များ

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

DANIEL 7:20

Cun a lu cung i ki pahra hna le a hnu deuh i ki dang pakhat a hung chuak i a hung chuah cangkate i a dang ki pathum a thlongh hna kong zong kha hngalh ka duh. Cu ki nih cun mit le kaa a ngeih i porhlawtnak bia le tluangkhawnnak bia kha a chim ṭualmal hna. A dang hna nakkhan ṭih a nung deuh.

DANIEL 8:12

Vancung ralkapbu hna zong cu a tei hna i pekchanh zungzal tawnmi raithawinak cu a thurhhnawmh i biaknak taktak cu vawlei ah a hlonh; a tuahmi thil vialte ah hin a hlawhtling dih.

DANIEL 8:24

A ṭhawnnak cu a ngan ngaingai lai, Sihmanhsehlaw a ṭhawnnak cu amah thazang thawngin a si lai lo. Rawknak tampi kha a tuah lai i thil a tuahmi paoh ah a hlawhtling lai. Miphun nganngan hna le miphun thiang kha a hrawh hna lai.

DANIEL 8:9

Cu hna lak i pakhat chung cun ki hmete pakhat a hung chuak i thlanglei le nichuahlei le ram vialte lak i ram ṭha cem cu a thazang kha khuaruahhar in a langhhnawh hna.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

BIAPHUAN 19:19

Rang cung i aa citmi le a ralkapbu kha doh awkah sahrang le vawlei cung siangpahrang hna cu an i pum.