DANIEL 7:20 - Lai (Hakha) Common Language Bible 2006

²⁰ Cun a lu cung i ki pahra hna le a hnu deuh i ki dang pakhat a hung chuak i a hung chuah cangkate i a dang ki pathum a thlongh hna kong zong kha hngalh ka duh. Cu ki nih cun mit le kaa a ngeih i porhlawtnak bia le tluangkhawnnak bia kha a chim ṭualmal hna. A dang hna nakkhan ṭih a nung deuh.

DANIEL 7:20 ပူးပေါင်းရင်းမြစ်များ

DANIEL 7:11

Ka zoh peng ko lioah cun ki hmete aa porhlawtnak le a tluangkhawnnak cu ka hei theih lengmang ko. Cun ka zoh peng ko i sahrang palinak cu an thah i a ruak cu mei chungah an paih i an hrawh.

DANIEL 7:19

Cun sahrang palinak sullam zong kha hngalh ka duh fawn. Kha sahrang kha hawi dang he an i lo lo i a thir ha le a dar tin he khan ṭih a nung hringhranmi a si ko. Zeizong vialte kha a khai dih hna i a ei dih hna i a tangmi vialte cu a lamh dih hna.

DANIEL 7:21

Ka zoh ko lioah cun cu ki cu mithiang mi hna he khan ral an i do i annih cu a tei hna.

DANIEL 7:23

Cun hihi a sullam an ka pekmi cu a si: “Sahrang palinak nih hin vawlei cungah pennak a hung chuak ding kha a hmuhsak. Pennak dang he khan an i dang lai i vawlei kha a ei dih lai i a lamh lai i a den lai.

DANIEL 7:7

Cun zan i langhnak ka hmuhmi hna chungah cun, sahrang palinak kha ka hmuh, ṭihnung ngai le tuksapur ngai a si i a ṭhawng hringhranmi a si, a ha cu thir an si i a tin cu dar an si. Zeizong vialte kha a khai hna i a ei hna i a tangmi paoh cu a lamh hna. Amah hlan i a ummi sahrang hna pakhat he hmanh khan an i lo lo, zeicahtiah amah cu ki pahra a ngei.

DANIEL 7:8

A ki kha ka zoh lio hna ah cun ki dang pakhat, ki hmete an lak i a hung chuah kha ka hmuh i cu ki hmete nih cun umnak a hmuh khawh nakhnga a um ciami hna lak i ki pathum kha a thlongh hna. Cun cu ki nih cun minung mit le minung kaa a ngei i aa porhlaw i tluang a khawng.

BIAPHUAN 12:3

Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.