DANIEL 6:7 - Lai (Hakha) Common Language Bible 2006

⁷ “Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni sawm thum chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.

DANIEL 6:7 ပူးပေါင်းရင်းမြစ်များ

SALM 10:9

chiandeih bantukin a bawh hna, a rap in a foih hna i a kalpi hna.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

SALM 59:3

Zohhmanh, keimah cu thah awkah an ka bawh, keimah doh awkah mipuarhrang pawl cu an i pum.

SALM 59:5

Maw Lianngan Bik Bawipa, tho law ka bawm tuah; maw Israel Pathian, nangmah hrimhrim nih ra zoh tuah. I hlau law miphun kha dantat hna, mi rawi hmang, miṭhalo mi hi, zaangfah hna hlah.

SALM 62:4

Nan duhmi cu upatnak hmun i a ṭhutnak khan ṭhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

SALM 83:5

An khuakhanmi ah cun lungkhat in an um i nangmah doh awkah cun an ṭang ṭi.

SALM 94:20

Bawipa, ziknawh a eimi biaceihtu hna he cun zeitinhmanh in nan i tlak kho lo, dinlonak kha dinnak ah a ser i

DANIEL 2:4

Khaldi mi hna nih cun Aramaik holh in an leh i, “Siangpahrang cu saupi nung ko seh! Na manhmi cu kan chim law a sullam cu kan in chimh lai,” an ti.

DANIEL 3:11

Cu bantukin a tuah lomi paoh cu a alh hluahmahmi meiphu chungah paih an si lai, na ti fawn.

DANIEL 3:2

Cun mangki, zipeng, vuanthok, upadi thiammi, tangka kengtu, biaceihtu, ram zohkhenhtu bawi le ram ukbawi vialte hna kha, a phunmi milem conglawmhnak i tel awkah cun a cah hna.

DANIEL 3:27

Khi tikah mangki le zipeng le vuanthok le siangpahrang tlangpi hna cu an i pum i hi mi hna an pum cungah khan ṭhat lonak zeihmanh mei nih a tuah lo ti kha an hmuh; an lu cung samfa fa khat hmanh a kang lo i an thilthuam kha zeihmanh a kangh lo hlei ah mei rim hmanh an nam lo.

DANIEL 3:6

A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

NAHUM 2:12

Kha chiandeih nih khan a fale caah khan sa cu a seh i Chiandeih pi caah khan sa cu a thleh a baoh i A kua cu hranchaw le a sehmi sa cun a khahter.

MATTHAI 12:14

Cun Farasi mi hna cu an kal i Jesuh thah khawhnak ding khua kha an khang.

MATTHAI 26:4

a thli tein Jesuh kha tlaih i thah ding kha khua an khang.

MARKA 15:1

A thaizing zingkate ah tlangbawi upa hna cu haotu upa hna le phungbia cawnpiaktu saya hna le biaceihtu vialte hna he khan hnawhsare in an i pum i khua an khang. Jesuh cu thir cikcin in an khih i an kalpi i Pilat kut chungah khan an pek.

JOHAN 12:10

Cucaah tlangbawi upa pawl nih khan Lazaruh zong cu thah chih dingin khua an khan;