DANIEL 6:4 - Lai (Hakha) Common Language Bible 2006

⁴ Khi tikah vuanzi pawl le mangki bawi hna nih khan Daniel nih ram a ukning sual kawl khawhnak ding caah lam an kawl, sihmanhsehlaw thil ṭhalo a tuahmi kha pakhat hmanh an hmu kho lo; zeicahtiah siangpahrang nih a fialmi kha fel tein a tuah.

DANIEL 6:4 ပူးပေါင်းရင်းမြစ်များ

GENESIS 41:38

annih cu a thawh hna i, “Hi bantuk mi hi a dang khuazei ah dah kan hmuh khawh ti hna lai, Pathian thlarau nih a umpimi hi?” a ti.

GENESIS 43:18

A inn i an kalpi hna caah cun an thin a phang i, “Kan hnulei tan i kan phaisa kan sawngkhoi chung i an kan khirhmi ruangah khan a si ko lai. An kan zuanhnawh lai i sal ah an kan tlaih lai i kan laa hi an i lak hna lai,” tiah an ruah.

PHUNGTHLÛKBIA 29:27

Miding mi nih miding lomi kha an huat hna, miṭhalo nih miding mi kha an huat ve hna.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 29:7

Sal ah kan tanternak hna khuapi kha a ṭhatnak ding kawl cio u law kha khua caah khan Bawipa sinah thla cam cio ko u; zeicahtiah a ṭhat ahcun nannih zong ṭhatnak nan hmu ve lai.

DANIEL 3:8

Khi tikah Khaldi mi mi cheukhat cu an ra i Judah mi kha sual an phawt hna.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

MATTHAI 26:4

a thli tein Jesuh kha tlaih i thah ding kha khua an khang.

MATTHAI 27:18

Pilat nih khan Jesuh ka kut chung i an ka pek hi an nahchuah caah a si ti kha fiang tein a hngalh.

LUKA 20:20

Cucaah caan rem tu kha an bawh i mi ngiatu an thlah hna. “Zumh awktlakmi bantukin nan i umter lai i bia nan hal lai. A bia kha tlaih nan i zuam lai i cu a bia cu nawlngeitu mangki bawi sin i phakpinak ding ca i sonhtarhnak ah kan hman lai,” an ti hna.

LUKA 20:26

Cuticun zapi lak i tlaih an i zuamnak cu pakpalawng ah a cang i a lehnak hna cu an khuaruah a har i dai tein an um.

LUKA 22:2

Tlangbawi upa hna le Phungbia Cawnpiaktu saya hna nih khan mizapi kha an ṭih hna caah zeitindah Jesuh kha a thli in kan thah lai tiah lam an kawl.

JOHAN 19:4

Pilat cu a va chuak ṭhan i Judah mi hna cu, “Zohhmanh u, amah hi! Amah cu a sualnak zeihmanh ka hmu lo ti kha hngalhter kan duh hna caah ka rak chuahpi hih,” tiah a ti hna.

2 KORIN 11:12

Lamkaltu kan si ve, aa timi hna nih khan, anmah bantukin kan ṭuan ve, an ti khawh nakhnga lo, atu i ka tuahmi hi ka tuah lengmang ko lai

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

TITAS 2:8

Soi khawh lo ding bia ṭha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

BIACEIHTU 14:4

A nu le a pa nih mah cucu Bawipa sinin a si kha an hngal lo; zeitintiah Filistin mi kha doh awkah caan rem a kawl. Cun caan lioah cun Filistin mi nih Israel mi kha an uk hna.

1 SAMUEL 12:4

Annih nih, “Na kan hleng lo, na kan hrem fawn lo, aho sin hmanh in zeihmanh na la lo,” tiah an ti.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 22:14

Cun Ahimelek nih siangpahrang cu a leh i, “A si ah, na sinum vialte lakah, siangpahrang tupa a simi, nangmah pum rungvengtu hna haotu, na inn chungah upat a simi David tluk in, ahodah zumh awk tlak a um?