DANIEL 6:3 - Lai (Hakha) Common Language Bible 2006

³ An rianṭuannak ah cun Daniel nih vuanzi dang hna le mangki dang hna cu a thil ti khawhnak in a iap hna i cucaah siangpahrang nih ram vialte uktu ding i chiah awkah a lung chungin a ruah.

DANIEL 6:3 ပူးပေါင်းရင်းမြစ်များ

EZRA 4:22

Cun hi thil kongah hin thluarthlap in nan um nakhnga lo i ralring tuah u; zeicahdah siangpahrang cu harnak pek awkah rawhnak cu a ṭhan lai?” tiah a ti.

NEHEMIAH 7:2

ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a ṭih deuhmi a si.

ESTHER 10:3

Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.

PHUNGTHLÛKBIA 17:27

Amah aa zum vemi nih cun bia tampi a chim lo, dai tein a ummi cu thil thuk piin a hmu khomi an si.

PHUNGTHLÛKBIA 22:29

Amah a rian ah a thiammipa cu siangpahrang hna hmaiah a dirmi a si lai, mi sawhsawh hna hmai men ah a dirmi a si lai lo.

PHUNGCHIMTU 2:13

Fimnak cu hruhnak nakin a ṭha deuh ti cu ka hngalh, ceunak cu muihnak nakin a ṭhat deuh bantukin.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.

DANIEL 5:14

Nangmah cu pathian thiang hna thlarau kha a ngei i fiang tein hngalh khawhnak a ngei i hawi hlei in fimnak a ngeimi na si tiah ka theih.

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

DANIEL 9:23

“Daniel, na hngalhnak kha fianter awkah ka ra. Na thlacamnak kha na thawk tikah Pathian nih an leh. Pathian nih an dawt caah an lehnak chimh awkah atu hi ka ra. A sullam ka chim lioah bia cu ṭha tein ruat tuah: