DANIEL 6:26 - Lai (Hakha) Common Language Bible 2006

²⁶ Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —

DANIEL 6:26 ပူးပေါင်းရင်းမြစ်များ

EZRA 1:3

Nannih amah mi vialte hna, nan sin i a ummi paoh cu a sinah a Pathian kha um seh law, Judah ram i a ummi Jerusalem khua ah cun hung kal seh, cun Bawipa, Israel Pathian inn cu hung sa seh — amah cu Jerusalem i a ummi Pathian cu a si;

EZRA 7:21

“Cun keimah Artazaksis siangpahrang nih Tiva Ral ram i a ummi tangka kengtu vialte hna sinah nawlbia ka chuah cang i: Vancung Pathian phungbia cazi tlangbawi Ezra nih an halmi hna paoh cu,

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 146:10

Bawipa cu zungzal in siangpahrang a si ko lai! Zion, na Pathian cu zungzal in uktu a si lai. Bawipa cu thangṭhat u!

SALM 2:11

Bawipa cu ṭih bu tein a rian ṭuan tuah u, therphang in um u law

SALM 29:10

Rili thuk pipi kha Bawipa nih a uk hna, siangpahrang bantukin zungzal in a uk hna.

SALM 42:2

Maw a nungmi Pathian, nangmah cu tihal in kan hal; zeitik ah dah na umnak ah ka hun khawh lai i kan biak khawh lai?

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

DANIEL 3:29

Cucaah ahohmanh, mi zei miphun chung mi hmanh si ko uh, cun nan holh zong zei holh hmanh si ai kun, hi hna Shadrak le Meshak le Abednego hna Pathian a serhsatmi paohpaoh cu thlehbaoh dih nan si lai i nan inn kha chuh nan si lai, tiah keimah nih nawlbia ka chuah; zeicahtiah hi bantukin mi a khamh khotu pathian dang zeihmanh an um lo,” tiah a ti.

DANIEL 4:3

Hmelchunhnak a tuahmi hna cu zeitluk in dah an ngan i Khuaruahhar a tuahmi hna cu zeitluk in dah an ṭhawn, A pennak cu zungzal hmunmi pennak a si i Bawi a sinak cu chan vialte tiangin a hmun, a ti.

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

DANIEL 6:20

Siangpahrang cu cuka cu a va phak tikah Daniel cu lau lengmang in a vun auh i, “Daniel, a nungmi Pathian salpa, a rian na ṭuan zungzalmi na Pathian nih cun chiandeih hna sin khan an khamh kho maw?” tiah a ti.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

MALAKHI 3:6

Keimah cu i thleng loin Bawipa ka si caah nannih Jakob tefa zong nan rawk dih lo.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

LUKA 1:33

Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti.

LUKA 12:5

Ṭih awk cu ahodah a si kha kan hmuhsak hna lai: Thah hnu i hell zong i thlak khawhnak nawl a ngeimi Pathian hi a si. Asi, amah cu va ṭih u, tiah kan chimh hna.

LAMKALTU 17:25

Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

ROM 9:26

‘Nannih cu ka mi nan si lo,’ tiah an rak tinak hna hmun thengte ah khan Annih cu a nungmi Pathian fa, ti an si lai.”

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 4:10

Cu bantukin an thangṭhat tikah upa kul le pali kha bawiṭhutdan cung i a ummi hmaiah cun an kun i zungzal in zungzal tiang a nungmi cu an biak. An suiluchin kha bawiṭhutdan hmaiah cun an chiah hna i,

BIAPHUAN 5:14

Saram nung pali hna nih khan, “Amen,” tiin an rak leh hna i upa hna cu an kun i an biak.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.