DANIEL 6:25 - Lai (Hakha) Common Language Bible 2006

²⁵ Cun Dairus Siangpahrang nih vawlei cung dihlak i miphun vialte le holh phun vialte sinah cun ca a kuat hna i, “Nan thluachuahnak cu karh chin ko hna seh!

DANIEL 6:25 ပူးပေါင်းရင်းမြစ်များ

EZRA 4:17

Cun siangpahrang nih cun lehnak ca a kuat hna i, “Ralbawi Rehum le caṭialtu Shimshai le an hawikom Samaria le Tiva Ral ram i a ummi hna, nan kut kan tlaih hna.

ESTHER 3:12

Cun siangpahrang ca ṭialtu hna kha thla khatnak thla, a ni hleithum ni ah an auh hna i Haman nih a nawlngeihnak vialte kha hmang in, siangpahrang kut tang bawi hna le peng vialte a uktu bawi hna le mi vialte a uktu bawi hna sinah khan, an peng chung i an hmanmi ca cio in le an miphun nih an hmanmi holh cio in nawlbia pakhat an ṭial; Siangpahrang Ahasuerus min in ṭial a si i siangpahrang kutdong hrolh in khenh chih a si.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

ESTHER 8:9

Thla thumnak thla, Sivan thla, a ni kul le ni thum ni ah, khi caan ah siangpahrang caṭialtu kha an auh i Mordekai nawl peknak ning paoh khan, India ram in Ethiopia ram tiang siangpahrang kut tang bawi hna le ram uktu hna le bawi dangdang hna sinah khan, Judah mi kong cu ca in an kuat hna, peng za khat le peng kul le peng sarih an si, peng kip ah anmah le an ca cio in le miphun kip sinah anmahle an holh cio in an kuat hna, cun Judah mi hna zong cu anmahle an ca le an holh in an kuat ve hna.

SALM 7:15

Vawlei ah khan khor thukpi a cawh i amah lila kha a cawhmi khor ah cun a tla.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

PHUNGTHLÛKBIA 11:8

Miding cu harnak chungin chuah a si, sihmanhsehlaw miṭhalo cu cu chungah cun a paih in an i paih.

DANIEL 3:4

Khi tikah tlangautu nih khan fak piin a au i,

DANIEL 4:1

Siangpahrang Nebukhadnezzar nih, vawlei cung i a ummi miphun vialte hna le holh phun vialte hna sinah thawng kan thanh hna:

DEUTERONOMI 19:19

a unau cung i tuah a rak i tinhmi bantuk khan a cungah nan tuah lai; cuticun nan lakin ṭhat lonak cu nan thianh lai.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

2 PETER 1:2

Pathian nan hngalhnak thawng le kan Bawipa Jesuh nan hngalhnak thawngin vel le daihnak cu tlamtling tein nan ta si ko hna seh.

JUDAS 1:2

Zaangfahnak le daihnak le dawtnak cu tlamtling tein nan ta si ko hna seh.