DANIEL 6:24 - Lai (Hakha) Common Language Bible 2006

²⁴ Siangpahrang nawlbia in Daniel sual phawtu vialte hna an nupile le an fale he chiandeih thong chungah cun an vun thlak hna i a ṭuang hmanh an phak manh hlanah khin an rak zuanhnawh hna i an ruh he an zeizong tein an khai dih hna.

DANIEL 6:24 ပူးပေါင်းရင်းမြစ်များ

2 SIANGPAHRANG 14:6

Sihmanhsehlaw Moses phungbia cauk ah, “Pale hna cu fale can ah thah an si lai lo i fale hna zong pale can ah thah an si lai lo, sihmanhsehlaw mah le sualnak ruang cio ah thah an si lai,” tiah Bawipa nawlbia pekmi aa ṭial bantuk khan, lainawngtu hna an fale cu a that hna lo.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

ESTHER 9:10

annih cu Hammedatha fapa Haman, Judah mi hna ral i a fapa pahra kha an si; sihmanhsehlaw a ramh cu ahohmanh an ramh hna lo.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

SALM 54:5

Pathian nih ka ral cu anmah ṭhat lonak lila khan dantat ko hna seh! Amah cu zumhawktlak a si caah a hrawh hna lai.

PHUNGTHLÛKBIA 11:8

Miding cu harnak chungin chuah a si, sihmanhsehlaw miṭhalo cu cu chungah cun a paih in an i paih.

PHUNGTHLÛKBIA 19:9

A dinglo tehte cu dantat loin a luat lai lo, Lih lawng a chim lengmangmi cu a rawk lai.

ISAIAH 38:13

Zan khuadei nganfak in ka ai, chiandeih nih ka ruh khi ka ṭam hna seh law cu ko cu a lo. Pathian nih ka nunnak cu a donghter rua lai tiah ka ruah.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

DANIEL 3:22

Siangpahrang nawl pekmi cu khulrang tuk in a si caah le meiphu cu a linh tuk hringhran caah Shadrak, Meshak le Abednego a cawitu hna cu a hung chuak sualmi meizik nih khan a thah hna;

DEUTERONOMI 24:16

“Fale ruangah pale thah an si lai lo i pale ruangah fale zong thah an si lai lo; mah le sual ruang cio ah thah cu an si lai.