DANIEL 5:8 - Lai (Hakha) Common Language Bible 2006

⁸ Siangpahrang mifim vialte cu an rung lut, sihmanhsehlaw caṭialmi cu a rel zong an rel kho lo i a sullam zong siangpahrang cu an chim kho lo.

DANIEL 5:8 ပူးပေါင်းရင်းမြစ်များ

GENESIS 41:8

A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

ISAIAH 47:9

Asinain chikkhatte ah, ni khatte ah, hi thil hi an pahnih in na cungah an tlung lai. Camh cu zeizat hmanh na hmang ko lai nain na fale cu an thi ṭhiamṭhiam ko lai i nuhmei cu na si ṭhiamṭhiam ko lai.

JEREMIAH 50:35

Khaldi mi hna le Babilon i a ummi hna le an bawi hna le an mifim hna cungah vainam aa thlai ko, tiah Bawipa nih a ti.

DANIEL 2:27

Daniel nih cun siangpahrang cu a leh i, “Siangpahrang nih hngalh a duhmi biathli cu mifim ahohmanh nih si hna seh, khuachia ṭhawl thiam ahohmanh nih si hna seh, mang ihthiam ahohmanh nih si hna seh, na sinah an phuang kho lai lo.

DANIEL 4:18

“Hihi keimah Siangpahrang Nebukhadnezzar nih ka manhmi ka mang cu a si; atu cu Belteshazzar, nangmah nih a sullam cu ka chim tuah; ka pennak chung i a ummi mifim vialte nih a sullam kha an ka chim kho lo nain, nang nih cun na chungah a thiangmi pathian hna thlarau kha a um caah na ka chimh khawh lai,” tiah a ti.

DANIEL 4:4

Keimah Nebukhadnezzar cu ka inn ah hnangam tein le ka siangpahrang inn ah cun nuam ngaiin ka um i

DANIEL 4:7

Mitlehthiam hna le khuachia thawl thiam hna le Khaldi mi hna le mang ih thiam hna kha an ra i an hmaiah cun ka mang cu ka chim.

DANIEL 5:15

Mifim hna le khuachia ṭhawlthiam hna cu hi caṭial hi rel i a sullam chim awkah ka hmaiah an ratpi hna, sihmanhsehlaw an let kho lo.