DANIEL 5:6 - Lai (Hakha) Common Language Bible 2006

⁶ Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.

DANIEL 5:6 ပူးပေါင်းရင်းမြစ်များ

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 69:23

An mit cawtter hna law khua hmu kho hna hlah seh; an keng cu derthawm zungzal hna seh.

ISAIAH 35:3

A tha a bami cu an kut ṭhawnter hna u law a khuk a thermi cu thazang pe hna u

ISAIAH 5:27

Ahohmanh a bami an um lo, ahohmanh a rilmi an um lo, ahohmanh a ngu i aa hngilhmi an um lo. Taisawm a dormi pakhat hmanh an um lo, kedan hri a catmi pakhat hmanh an um lo.

JEREMIAH 50:43

An thawng cu Babilon siangpahrang nih a theih i a kut cu a tha a duai; Nau nganfah a ingmi nu nganfahnak bantuk nih a tlaih cang.

EZEKIEL 21:7

Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralṭhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa Pathian bia hrimhrim a si,” tiah a ti.

EZEKIEL 7:17

an kut cu a thlep lai i an khuk ah an zun a luang lai.

DANIEL 2:1

Nebukhadnezzar cu a bawi kum hnihnak ah khan mang pakhat a ngei i a lung a suk tuk caah aa hngilh kho lo.

DANIEL 3:19

Khi tikah Nebukhadnezzar cu Shadrak le Meshak le Abednego cungah cun a thin a hung tuk hringhran i a thin a hun tuk caah a hmai zong aa simsawi dih.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 4:5

ka ihnak i ka ih lioah mang pakhat ka manh i cu nih cun ka thin a ka phanter.

DANIEL 5:5

Cu tikah ruah lopi ah khin siangpahrang inn vampang si thuhmi, mei nih fiang bik in a ceuhmi hmun ah khin, minung kut bor pakhat a hung chuak i ca a hun ṭial zuaimai ko. Cu kutbor cu ca a hun ṭial lioah khan siangpahrang nih cun kutbor a kenglei kha a hmuh.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

HEBRU 12:12

Cucaah a thlepmi nan ban kha hler hna u law a dermi nan khuk kha fehter hna u,