DANIEL 5:5 - Lai (Hakha) Common Language Bible 2006

⁵ Cu tikah ruah lopi ah khin siangpahrang inn vampang si thuhmi, mei nih fiang bik in a ceuhmi hmun ah khin, minung kut bor pakhat a hung chuak i ca a hun ṭial zuaimai ko. Cu kutbor cu ca a hun ṭial lioah khan siangpahrang nih cun kutbor a kenglei kha a hmuh.

DANIEL 5:5 ပူးပေါင်းရင်းမြစ်များ

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

JEREMIAH 50:43

An thawng cu Babilon siangpahrang nih a theih i a kut cu a tha a duai; Nau nganfah a ingmi nu nganfahnak bantuk nih a tlaih cang.

DANIEL 4:31

Cuticun a chim lioah cun vancung in aw pakhat a rung i, “Maw Siangpahrang Nebukhadnezzar, ka bia hi ngai tuah: Na pennak cu chuh na si cang.

DANIEL 4:33

Cu caan hrimhrim ah cun hi biaceihnak cu Nebukhadnezzar cungah cun a tlung. Minung bu chung khan ṭhawl a si i cawtum bantuk khan ram kha a ei; a pum cu van dap nih cin cikcek in a tlak i a sam cu meheh hmul bantukin a sau i a tin cu mupi tin bantukin an zum.

DANIEL 5:15

Mifim hna le khuachia ṭhawlthiam hna cu hi caṭial hi rel i a sullam chim awkah ka hmaiah an ratpi hna, sihmanhsehlaw an let kho lo.

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

DANIEL 5:6

Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.

DANIEL 5:8

Siangpahrang mifim vialte cu an rung lut, sihmanhsehlaw caṭialmi cu a rel zong an rel kho lo i a sullam zong siangpahrang cu an chim kho lo.

KOLOSE 2:14

Kan leiba ṭialnak ca cu a chung i a ummi upadi vialte hna he khan a hrawh dih cang i vailamtahnak cung i a khenhchihnak thawng khan kanmah dawntu si ti lo dingin a hlonh.