DANIEL 5:17 - Lai (Hakha) Common Language Bible 2006

¹⁷ Cun Daniel nih siangpahrang hmaiah cun aa thawh i, “Na laksawng cu nangmah caah i chiah ko hna, a si lo le midang pe hna. Asinain caṭialmi cu siangpahrang kha kan relpiak lai i a sullam cu kan chimh lai.

DANIEL 5:17 ပူးပေါင်းရင်းမြစ်များ

GENESIS 14:23

na thil a simi paohpaoh, la fang pakhat le phanah hri tiangin zeihmanh kaa lak lai lo, ka ti. Cucaah cun nang zong nih zeitikhmanh ah, “Abram cu keimah nih pei ka rumter ko cu,” na ti kho ve lai lo.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

2 SIANGPAHRANG 5:16

Sihmanhsehlaw anih nih, “A rian ka ṭuanmi Bawipa a nun bangin, zeihmanh ka cohlang lai lo,” tiah a ti. Cun lak awkah a nawl len nain a duh lo.

2 SIANGPAHRANG 5:26

Sihmanhsehlaw amah cu a thawh i, “Nangmah ton awkah mipa nih a rangleng in a ṭum ah khan nangmah sinah khan thlarau in ka kal lo mei? Tangka le puan hna le oliv dum hna le mitsur dum hna le tuu hna le cawtum hna le salpa hna le salnu hna i lak caan a si maw?

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

DANIEL 2:6

Sihmanhsehlaw nannih nih ka mang cu a sullam he nan ka chimh khawh ahcun laksawng tampi le upatnak kha kan pek hna lai. Cucaah ka mang le a sullam cu ka chim tuah u,” tiah a ti hna.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

LAMKALTU 8:20

Sihmanhsehlaw Peter nih cun a leh i, “Pathian laksawng cu phaisa in ka cawk khawh lai tiah na ruah ruangah hin nangmah le na phaisa cu hell ah va tla ko u!