DANIEL 5:13 - Lai (Hakha) Common Language Bible 2006

¹³ Cun Daniel cu siangpahrang hmaiah cun an run luhpi i siangpahrang nih cun a thawh i, “Nangmah hi maw Daniel cu na si? Siangpahrang ka pa nih Judah ram in saltangmi si awkah a ratpimi hna lak i aa tel vemi cu maw na si?

DANIEL 5:13 ပူးပေါင်းရင်းမြစ်များ

EZRA 10:16

Cu bang cun salchuak pawl nih cun an tuah. Tlangbawi Ezra nih khan mi cu a thim hna, annih cu pale innchungkhar ning cio ah lu a simi an si i an min cio ah thiah an si. Thla hranak thla, a ni khat ni ah cu kong cu ruah awkah an i pum;

EZRA 10:7

Cun Judah ram dihlak le Jerusalem ah khan, Jerusalem ah nan i pum lai tiin, salchuakmi vialte sinah cun thawng thanhnak an tuah i

EZRA 4:1

Judah mi le Benjamin mi an ral hna nih, saltang kir hna nih Bawipa, Israel Pathian inn kha an sa, ti an theih tikah,

EZRA 6:16

Cun hi Pathian inn pekchanhnak cu Israel mi hna le tlangbawi hna le Levi mi hna le saltannak in a kirmi a dang hna nih khan lunglawm ngaiin an hman.

DANIEL 1:1

Judah siangpahrang Jehoiakim a bawi kum thumnak ah Babilon siangpahrang Nebukhadnezzar cu Jerusalem ah a ra i a kulh.

DANIEL 1:2

Bawipa nih Nebukhadnezzar cu Judah siangpahrang Jehoiakim kha a tlaihter i biakinn chung thil zong kha tlawmpal a lakter. Thongtla hna cu Babilon ram i a pathian inn ah khan a kalpi hna i thilri hna cu chawhlawn chiahnak inn ah khan a chiah hna.

DANIEL 1:21

Daniel cu khika ah khan Sairas cu Babilon siangpahrang i a hung can tiang khan a um.

DANIEL 1:6

Cu hna lakah cun Judah phun chungmi Daniel, Hananiah, Mishael le Azariah kha an i tel.

DANIEL 2:25

Ariok nih cun therphang lengmang in Daniel cu siangpahrang hmaiah cun a hei chuahpi i, “Judah mi saltangmi hna lakah hin na mang a sullam an chim khotu ding pakhat ka hmuh cang,” tiah a ti.

DANIEL 2:48

Siangpahrang nih cun Daniel cu rian kainak a pek i laksawng man sungsung tampi a ṭhenh i Babilon ram vialte uktu le Babilon mifim vialte hna haotu bik ah a ser.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 5:14

Nangmah cu pathian thiang hna thlarau kha a ngei i fiang tein hngalh khawhnak a ngei i hawi hlei in fimnak a ngeimi na si tiah ka theih.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 5:2

A hung ri nawn i cu tikah a pa Nebukhadnezzar nih Jerusalem biakinn in a rak lakmi sui hrai hna le ngun hrai hna kha va la hna u law cu hrai hna cun ka bawi hna le ka nupi hna le ka sinum hna he zu kan ding lai, tiah nawl a pek hna.

DANIEL 6:13

Cucaah siangpahrang hmaika ah cun an i thawh i, “Judah mi saltangmi hna lak i aa tel vemi Daniel nih siangpahrang nawlbia cu zei ah a rel lo i a pathian sinah ni khat ah voi thum lengmang thla a cam,” an ti.

DANIEL 8:1

Siangpahrang Belshazzar a bawi kum thum kum ah, Elam ram khuapi Susa khua i ka um lioah langhnak pakhat keimah Daniel sinah a ra lang i hmasa i langhnak ka rak hmuhmi bantuk kha a si.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

JOHAN 7:1

Cu hnuah cun Jesuh cu Galilee kha a tlawng. Judea ram chung i a ummi Judah upa hna nih khan amah cu thah an duh caah Judea tlawn cu a duh lo.

JOHAN 7:3

cucaah a naule nih khan Jesuh cu, “Hika hin Judea ah va kal law na zultu hna nih khan na thil tuahmi cu rak hmu ve hna seh.