DANIEL 4:5 - Lai (Hakha) Common Language Bible 2006

⁵ ka ihnak i ka ih lioah mang pakhat ka manh i cu nih cun ka thin a ka phanter.

DANIEL 4:5 ပူးပေါင်းရင်းမြစ်များ

GENESIS 41:1

Kum hnih a liam hnuah khin Faro nih mang pakhat a manh i a mang ah cun Nail Tiva kamah khan a dir.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 2:1

Nebukhadnezzar cu a bawi kum hnihnak ah khan mang pakhat a ngei i a lung a suk tuk caah aa hngilh kho lo.

DANIEL 2:3

“Mang pakhat ka manh i cu nih cun ka lungre a ka theih ngaingai. Cu mang a sullam cu hngalh ka duh,” tiah a ti hna.

DANIEL 4:10

Ka ihkhun cung i ka ih lioah ka lu chungah a rung lutmi langhnak cu mah hihi a si: Khua ka hei cuanh lioah khin, Vawlei laifang ah thingkung pakhat a sang ngaingaimi a dir kha ka hmuh:

DANIEL 4:13

Cun langhnak a dang pakhat ka ihkhun i ka ih lio i ka hmuh rihmi cu hihi a si: Cu ti i ka zoh ko lioah cun, Vancung in Vengtu Thiang pakhat, a rung ṭum kha ka hmuh.

DANIEL 4:15

Sihmanhsehlaw a hmui kha cu vawlei ah khan kaltak ko u, thir cikcin le dar cikcin in khimh u. Lo lakah khan kaltak ko u law rambur lakah khan um ko seh. Vandap nih cin cikcek in tlak seh law ram hno lak i a tlongmi saram hna bantuk kha si ve seh;

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 5:10

Siangpahrang le a bawi hna cu bia an i ruah lengmang lioah khin siangpahrang bawinu cu rawl danghnak khaan chungah cun a rung lut i, “Siangpahrang cu saupi nung ko seh! Zeicahdah na khuaruah a har i daang dihlak in na um.

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.