DANIEL 4:4 - Lai (Hakha) Common Language Bible 2006

⁴ Keimah Nebukhadnezzar cu ka inn ah hnangam tein le ka siangpahrang inn ah cun nuam ngaiin ka um i

DANIEL 4:4 ပူးပေါင်းရင်းမြစ်များ

ISAIAH 56:12

Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

JEREMIAH 48:11

Mitsur hang a ne a tho bal lomi bantukin Moab hi hnahnawh lo tein a um zungzal ko; Um khat hnu um khat i tlennak kha a tong lo, Saltannak kha a tong lo; Cucaah a thawtnak kha a chungah a tang i a rim zong aa thleng lo.

EZEKIEL 28:17

Naa dawhnak nih khan na lung an puamter i Upatnak na hmuhmi karhter chinnak caah na fimnak kha a ping in na hman. Vawlei ah khan kan hlonh i siangpahrang dang zohchun awkah khika ah khan kan kaltak.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

DANIEL 2:11

Bawipa nih nan tuah lai, tiah na kan timi hi a har tuk, a thi khomi minung hna sin i a um lomi pathian hna dah ti lo nih cun, ahohmanh nih an tuah kho lai lo, an ti.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 5:8

Siangpahrang mifim vialte cu an rung lut, sihmanhsehlaw caṭialmi cu a rel zong an rel kho lo i a sullam zong siangpahrang cu an chim kho lo.

ZEFANIAH 1:12

Khi caan ah Jerusalem cu meiinn he ka kawl lai i An zu ne a rak ri i a rak i ṭhutpi ko i, “Bawipa nih cun a ṭha zong a chia zong zeihmanh a tuah lai lo,” tiah a timi hna kha dan ka tat hna lai.