DANIEL 4:37 - Lai (Hakha) Common Language Bible 2006

³⁷ Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

DANIEL 4:37 ပူးပေါင်းရင်းမြစ်များ

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

ESTHER 6:10

Cun siangpahrang nih Haman cu a thawh i, “Khulrang in na chim bangin thilpuan le rangtum cu va la hna law siangpahrang kutka ah a ṭhumi Judah mi Mordekai cungah khan va tuah tuah. Na chimmi cu pakhatte hmanh tlolh hlah,” tiah a ti.

SALM 119:75

Bawipa, na nawlbia kha an ding ti ka hngalh i zumhawktlakmi na si caah dan na ka tat cu a si.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

EXODUS 8:4

Nangmah siseh, na mi si hna seh, na bawi pawl si hna seh an in kaihnawh hna lai,” a ti,’ tiah va chim,” tiah a ti.

ISAIAH 23:9

Ralkapbu Bawipa a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

EZEKIEL 16:56

Naa porhlawt khawh lioah khan cun na unau nu Sodom kong kha tampi na thei in tampi na chim lo mei kha.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

DANIEL 4:26

Thinghmui cu vawlei chung i a hram hna he khan nganhta si hna seh, tiah vancungmi nih khan an ti: Cu a sullam cu hihi a si, Pathian nih vawlei cung hi a dihlak in a uk dah ee ti na vun hngalh tikah nangmah cu siangpahrang na si ṭhan te lai.

DANIEL 4:3

Hmelchunhnak a tuahmi hna cu zeitluk in dah an ngan i Khuaruahhar a tuahmi hna cu zeitluk in dah an ṭhawn, A pennak cu zungzal hmunmi pennak a si i Bawi a sinak cu chan vialte tiangin a hmun, a ti.

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

LAMKALTU 17:24

Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.

1 SAMUEL 2:3

Ninghngal tuk in bia chim ti hlah u, Ruamkainak cu nan kaa chung in chuak hlah seh; Zeitintiah Bawipa cu fimnak Pathian a si, Amah nih tuahnak hna kha an khing a thlai tawn hna.