DANIEL 4:30 - Lai (Hakha) Common Language Bible 2006

³⁰ “Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

DANIEL 4:30 ပူးပေါင်းရင်းမြစ်များ

GENESIS 10:10

Pennak a uk hmasa bikmi hna cu Babel, Erek le Akkad an si i an dihlak in Shinar ram chung ummi an si.

ESTHER 1:4

a siangpahrang sunparnak chawhlawn le a lianhngannak sunlawinak le upatnak kha ni saupi, ni za khat le ni sawm riat chung a hmuhsak hna.

SALM 104:1

Maw ka nunnak, Bawipa cu thangṭhat tuah! Bawipa ka Pathian, zeitluk in dah na lianhngan! Sunparnak le lianhngannak in naa thuam i

SALM 49:20

Mi cu lianhngannak nih thihnak in a khamh kho lo; saram bantukin a thi ve ko lai.

SALM 73:8

Midang kha zeihmanh ah an rel hna lo i thil ṭhalo lawng kha an ceih. An ruam a kai i zeitindah midang kha kan hrem khawh hna lai ti lawng kha an ceih.

PHUNGTHLÛKBIA 11:2

Aa porhlawmi nih cun mi nihsawhnak tuan ah an hmuh lai. Cucaah mi toidorte i um a ṭha deuh.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

DANIEL 4:31

Cuticun a chim lioah cun vancung in aw pakhat a rung i, “Maw Siangpahrang Nebukhadnezzar, ka bia hi ngai tuah: Na pennak cu chuh na si cang.

HABAKKUK 1:11

Cun annih cu thlitu bantukin an lan i an lo; An ṭhawnnak an pathian i aa serhmi hna cu vansang au in an um.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

LUKA 14:9

nan pahnih in an sawmtu hna nih khan, nangmah cu an thawh lai i, ‘Hi hmun hi kian tuah,’ tiah an ti sual lai. Cu tikah cun a niam bik hmun i na vung ṭhut tikah khan na ning a zak lai.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

BIAPHUAN 14:8

Vancungmi pahnihnak nih pakhatnak kha a hun zulh i, “Minu cu a ril cang! Babilon khuapi cu a ril cang. A zu cu mi vialte kha a pek hna i a dinter hna — cu a zu cu a hornak zu ṭhawng kha a si,” a ti.

BIAPHUAN 16:19

Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter — a thinhunnak zu kha.

BIAPHUAN 17:5

A cal ah min pakhat aa ṭial i cu min cu sullam hleng a ngei. Cu min cu, “A liannganmi Babilon, vawlei cung hlawhhlangnu vialte le sual thurnak vialte nu,” ti a si.

BIAPHUAN 18:10

Temhnak a inmi kha an ṭih caah a langhlat piin an dir i cuka cun an i thawh i, “Ṭih a hei nung hringhran dah! Mi tuksa a hei pur hringhran dah! Babilon khualipi, khua lianngan le khua ṭhawng! Suimilam pakhat chungah na rawk dih ko!” an ti lai.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.