DANIEL 4:26 - Lai (Hakha) Common Language Bible 2006

²⁶ Thinghmui cu vawlei chung i a hram hna he khan nganhta si hna seh, tiah vancungmi nih khan an ti: Cu a sullam cu hihi a si, Pathian nih vawlei cung hi a dihlak in a uk dah ee ti na vun hngalh tikah nangmah cu siangpahrang na si ṭhan te lai.

DANIEL 4:26 ပူးပေါင်းရင်းမြစ်များ

DANIEL 2:18

Amah Daniel le annih le Babilon mifim hna kha thah an si nakhnga lo, vancung Pathian kha a zaangfahnak kan nawl awk a si, tiah a ti.

DANIEL 2:19

Cun langhnak in zan ah cu biathli sullam cu Daniel sinah phuan a si i vancung Pathian cu hitihin a thangṭhat:

DANIEL 2:37

Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

DANIEL 4:15

Sihmanhsehlaw a hmui kha cu vawlei ah khan kaltak ko u, thir cikcin le dar cikcin in khimh u. Lo lakah khan kaltak ko u law rambur lakah khan um ko seh. Vandap nih cin cikcek in tlak seh law ram hno lak i a tlongmi saram hna bantuk kha si ve seh;

DANIEL 4:23

Cun maw siangpahrang, nangmah nih na zoh ko lioah cun, Cawngtu pakhat kha van in a rung ṭum i cu nih cun, “Thingkung kha hau u law hrawk u, sihmanhsehlaw a hmui kha cu vawlei chung i a hram hna he khan ngan u. Thir cikcin le dar cikcin khan khit u law lo ah khan rambur lakah khan kaltak u, vandap nih cin cikcek in tlak seh law kum sarih chung saram bantukin um seh,” a ti.

DANIEL 4:31

Cuticun a chim lioah cun vancung in aw pakhat a rung i, “Maw Siangpahrang Nebukhadnezzar, ka bia hi ngai tuah: Na pennak cu chuh na si cang.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

DANIEL 5:21

Amah cu minung hna sin khan ṭhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cung Nung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.

MATTHAI 21:20

Cucu a zultu nih khan an hmuh tikah an hung ar i, “Zeitindah cu tluk khulrang in theipi kung cu a car manh?” an ti.

MATTHAI 5:34

Sihmanhsehlaw atu cu hihi kan chimh hna: Biakamnak nan tuah tikah chiatser biahrennak zeihmanh tuah hlah u; vancung khua chalh in chiatser hlah u, zeicahtiah vancung khua cu Pathian ṭhutnak a si;

LUKA 15:18

Ka tho lai i ka pa sinah ka kal lai i, “Ka pa, Pathian sin le na sinah ka sual cang.

LUKA 15:21

A fapa nih cun, ‘Ka pa, Pathian sin le nangmah sinah ka sual cang. Na fapa ti awk ka tlak ti lo,’ tiah a ti.