DANIEL 4:25 - Lai (Hakha) Common Language Bible 2006

²⁵ Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 4:25 ပူးပေါင်းရင်းမြစ်များ

SALM 103:19

Bawipa nih a bawiṭhutdan cu vancung ah khin a hun; zeizong vialte cungah siangpahrang a si.

SALM 106:20

Pathian sunparnak cu ram a eimi saram mui ah an thlen.

SALM 75:7

bia a ceihtu cu Pathian a si i a cheu kha a ṭhumh hna i a cheu kha a cawi hna,

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

JEREMIAH 27:5

‘Ka ṭhawnnak a nganmi le aa samhmi ka baan in vawlei cu ka ser i vawlei cung i a ummi minung le saram hna cu ka ser hna; cun aa tlak ti i ka ruahmi sin paoh ah ka pek khawh.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

DANIEL 2:37

Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 4:16

A lungthin cu minung lungthin si ti hlah seh law, saram lungthin tu kum sarih chung keng seh.

DANIEL 4:17

Hi kong cu cawngtu vancungmi hna nih an ruah ciami a si. Cucaah khuazeika ram i a ummi minung paohpaoh hna nih, Cung Nung Bik Pathian nih cun minung pennak cungah nawl a ngei ti kha hngal hna seh. A duhmi paoh kha siangpahrang ah a ser khawh ko hna, santlailo bik hmanh kha a ser khawh ko hna, ti kha hngal hna seh,” a ti.

DANIEL 4:2

Thluachuahnak vialte cu nan ta si ko seh. Cung Nung Bik Pathian nih ka caah a tuahmi hmelchunhnak hna le khuaruahharnak hna cu chim ṭhan ka duh hna: