DANIEL 4:19 - Lai (Hakha) Common Language Bible 2006

¹⁹ Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

DANIEL 4:19 ပူးပေါင်းရင်းမြစ်များ

GENESIS 31:35

Rachel nih a pa cu a thawh i, “Bawipa, na hmai i ka dir khawh lo caah hin ka cungah na thin hung hlah, nuphung ka hngalh lio a si caah a si,” a ti. Laban nih cun a kawl len hna nain a innchungkhar pathian tete cu a hmu kho hna lo.

GENESIS 32:18

‘Na sal Jakob ta an si. Ka bawipa Esau nangmah caah laksawng ah an kuat. Amah Jakob cu kan hnute ah hin a ra lio ve,’ na ti lai,” a ti.

GENESIS 40:12

Josef nih cun, “Hihi a sullam cu a si: a nge nge thum cu ni thum tinak an si.

1 SIANGPAHRANG 18:7

Cun Obadiah cu lam i a kal lioah khin, zohhmanh, Elijah nih a rak ton; cun Obadiah nih cun a hngalh i a bawk i, “Ka bawipa Elijah, nangmah na si maw?” tiah a ti.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

JEREMIAH 29:7

Sal ah kan tanternak hna khuapi kha a ṭhatnak ding kawl cio u law kha khua caah khan Bawipa sinah thla cam cio ko u; zeicahtiah a ṭhat ahcun nannih zong ṭhatnak nan hmu ve lai.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 2:26

Khi tikah siangpahrang nih Daniel cu a thawh i, “Ka mang i ka hmuhmi kha zeidah a si le a sullam cu na ka chim kho lai maw?” tiah a ti. (Daniel cu Belteshazzar ti zongah ti a si).

DANIEL 2:37

Maw siangpahrang, nangmah cu siangpahrang hna siangpahrang na si i vancung Pathian nih siangpahrang ah cun an canter i ṭhawnnak le nawlngeihnak le sunparnak an pek cang;

DANIEL 4:24

“Maw siangpahrang, a sullam cu hihi a si: Siangpahrang ka bawipa cung i a tlung ding a chimtu hi Cung Nung Bik Pathian a si.

DANIEL 5:12

Hi Daniel, siangpahrang nih Belteshazzar tiah min a sakmi hi hawi hlei in thil ti khawhnak a ngei tiah hngalh a si i hngalhnak le fimnak le mang leh khawhnak le biahar fianter khawhnak le dawi leh khawhnak a ngei; amah cu atu ah auh si seh law a sullam a chim khawh ko lai,” tiah a ti.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 7:15

Langhnak ka hmuhmi hna nih cun ka khuaruah an ka harter i ka lungre a thei ngaingai.

DANIEL 7:28

Hika ah hin hi kong cu a dong. Kei Daniel tu cu ka khuaruahnak nih van a ka sanh i a dangh zongin ka daang dih; hi thil hna tu cu ka lungchung in kaa cinken hna.

DANIEL 8:27

Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka ṭuan ṭhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

1 SAMUEL 1:15

Sihmanhsehlaw Hannah nih a leh i, “Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.

1 SAMUEL 24:8

A hnuah David zong cu a tho i lungkua chung khan a chuak i Saul kha, “Siangpahrang ka bawipa!” ti in a hei auh. Cun Saul nih a hnulei kha a hei zoh tikah David nih vawlei lei hoih in a kun i upatnak kha a tuah.

1 SAMUEL 26:15

Cun David nih Abner cu, “Pa na si lo maw? Nangmah bantuk ahodah Israel mi lakah a um? A si kun ahcun zeicahdah siangpahrang na bawipa cu na kilven kun lo? Zeicahtiah mi pakhat nih siangpahrang na bawipa kha thah awkah a rak luhhnawh ṭung?

1 SAMUEL 3:17

Cun Eli nih, “An chimhmi cu zeidah a si? Ka sinin thup hlah. An chimhmi vialte chungah khan zeihmanh ka sinin na thuh ahcun, Pathian nih na cungah cu bangin le tam deuh in tuah ko seh,” tiah a ti.