DANIEL 4:18 - Lai (Hakha) Common Language Bible 2006

¹⁸ “Hihi keimah Siangpahrang Nebukhadnezzar nih ka manhmi ka mang cu a si; atu cu Belteshazzar, nangmah nih a sullam cu ka chim tuah; ka pennak chung i a ummi mifim vialte nih a sullam kha an ka chim kho lo nain, nang nih cun na chungah a thiangmi pathian hna thlarau kha a um caah na ka chimh khawh lai,” tiah a ti.

DANIEL 4:18 ပူးပေါင်းရင်းမြစ်များ

GENESIS 40:12

Josef nih cun, “Hihi a sullam cu a si: a nge nge thum cu ni thum tinak an si.

GENESIS 41:15

Faro nih khan Josef cu a thawh i, “Mang ka manh i ahohmanh nih an let kho lo. Nangmah nih hin mang cu na leh khawh tiah an ka chimh,” a ti.

GENESIS 41:8

A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

DANIEL 2:38

nangmah na kut chungah minung siseh, saram siseh, van i a zuangmi va si hna seh, a chiah hna i khuazei ka i an um hmanh ah an dihlak cung i nawl ngeih khawhnak ding cu nangmah cu an pek — cu sui lu cu nangmah na si.

DANIEL 2:7

Cun annih nih, “Siangpahrang nih na mang cu kan chim law a sullam cu kan in chimh lai,” tiah an leh ṭhan.

DANIEL 5:15

Mifim hna le khuachia ṭhawlthiam hna cu hi caṭial hi rel i a sullam chim awkah ka hmaiah an ratpi hna, sihmanhsehlaw an let kho lo.

DANIEL 5:8

Siangpahrang mifim vialte cu an rung lut, sihmanhsehlaw caṭialmi cu a rel zong an rel kho lo i a sullam zong siangpahrang cu an chim kho lo.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.