DANIEL 3:7 - Lai (Hakha) Common Language Bible 2006

⁷ Cu bantukte cun, miphun zakip le holh phun zakip hna nih khan muko le tingtang tummi a phunphun thawng le hlasak thawng kha an theih cangka tein an bawk i Nebukhadnezzar nih a phunmi milem cu an biak.

DANIEL 3:7 ပူးပေါင်းရင်းမြစ်များ

JEREMIAH 51:7

Babilon cu Bawipa kut chung i sui hrai, vawlei vialte a ritter dih tu a si; Miphun hna nih a mitsur hang cu an din i cu nih cun a molhter dih hna.

DANIEL 2:46

Khi tikah Siangpahrang Nebukhadnezzar cu a bawk i Daniel kha a biak i amah cu raithawinak le rimhmui khanghnak kha nan pekchanh lai, tiah nawl a pek hna.

DANIEL 3:10

Siangpahrang nih nawlbia na chuah i muko thawng le tingtang thawng le tummi a phunphun thawng le hlasak thawng a theimi paoh nih nan bawk lai sui milem kha nan biak lai, na ti.

DANIEL 3:4

Khi tikah tlangautu nih khan fak piin a au i,

DANIEL 3:5

“Maw miphun zakip le holh phun zakip hna, nannih nih muko thawng le tingtang thawng le thonglawi thawng le darkhing thawng le tummi phun kip thawng le hlasak thawng kha nan theih tikah nan bawk lai i Siangpahrang Nebukhadnezzar nih a phunmi sui milem cu nan biak lai, tiah nawl pek nan si.

DANIEL 3:6

A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.

DANIEL 3:8

Khi tikah Khaldi mi mi cheukhat cu an ra i Judah mi kha sual an phawt hna.

LAMKALTU 14:16

Hlanah cun mi vialte kha anmah duhning cio lam zulh kha a onh ko hna.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 13:3

Sahrang lu pakhat cu, voi khat cu rak that cang hna seh law a lo, sihmanhsehlaw cu thihpi awk tlak a hma cu a dam cang. Vawleicung mi vialte cu an khuaruah a har i sahrang cu an zulh.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 17:8

Na hmuhmi sahrang kha hlanah cun a rak nung, asinain atu cu a nung ti lo, rawhralnak a phak hlanah dongh hngal lo khor chung khan a hung chuak lai. Vawlei cung i khua a sami, vawlei ser hlan in nunnak cauk chungah an min a rak i ṭial lomi hna nih khan, sahrang cu an hmuh tikah an khuaruah a har lai, zeicahtiah voi khat cu a rak nung, atu cu a nung ti lo, asinain a hung chuak ṭhan lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.