DANIEL 3:6 - Lai (Hakha) Common Language Bible 2006

⁶ A bawk lo i a bia lomi paoh cu a alh hluahmahmi meiphu chungah paih nan si lai,” tiah a ti.

DANIEL 3:6 ပူးပေါင်းရင်းမြစ်များ

GENESIS 19:28

Sodom le Gomorrah le nelrawn cu a vun cuanh hna i, somei nganpi chung i meikhu a chuah hluahmah bantuk khin, vawlei cun meikhu cu a tho.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

ISAIAH 44:17

Cu thing ṭhiamṭhiam a tangmi cun siasal pakhat a ser. A hmaiah a kun i a biak. A sinah thla a cam i, “Nangmah cu ka pathian na si, ka khamh tuah,” a ti.

JEREMIAH 29:22

Jerusalem in Babilon ah sal ah kalpimi hna nih, chiat ser an duh tikah, ‘Babilon siangpahrang nih a nung in a kiaomi Zedekiah le Ahab bantukin Bawipa nih na cungah tuah seh,’ tiah an ti lai.

DANIEL 2:5

Siangpahrang nih cun a leh hna i, “Ka mang le a sullam kha nan ka chimh khawh lo ahcun nan liang vang in kan thleh dih hna lai i nan inn cu tlaih an si dih lai.

DANIEL 3:11

Cu bantukin a tuah lomi paoh cu a alh hluahmahmi meiphu chungah paih an si lai, na ti fawn.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 3:21

Cun an tawhrolh le an angki le an luchin he an thilpuan tling tein i hruk in a ummi hna cu an ṭem hna i meiphu alh chungah cun an paih hna.

DANIEL 3:7

Cu bantukte cun, miphun zakip le holh phun zakip hna nih khan muko le tingtang tummi a phunphun thawng le hlasak thawng kha an theih cangka tein an bawk i Nebukhadnezzar nih a phunmi milem cu an biak.

DANIEL 5:19

cu ṭhawnnak a pekmi thawng cun mi vialte le holh phun dangdang a hmangmi vialte hna nih a hmaiah a ther in an ther i amah cu an ṭih dih. Thah a duhmi kha a thah ko hna i nunh a duhmi kha a nunh ko hna, santer a duhmi kha a santer ko hna i ṭhumh a duhmi kha a ṭhumh ko hna.

DANIEL 6:7

“Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni sawm thum chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.

MATTHAI 13:42

meiphu chungah an paih hna lai, cuka ah cun an ṭap lai i an hacang an rial lai.

MATTHAI 13:50

meiphu chungah an paih hna lai. Cuka ah cun an ṭap lai i an hacang an rial lai,” tiah a ti.

MATTHAI 4:9

“Na khuk naa bil i na ka biak ahcun hi vialte hi kan pek dih lai,” tiah a ti.

MARKA 6:27

Cucaah ralvengtu ralkap pakhat kha a hei thlah i Johan lu cu na rak put lai, tiah nawl a pek. Ralkappa cu a chuak i thonginn ah khan a va kal i Johan lu cu a va tan;

BIAPHUAN 14:11

A hremtu hna mei a khu cu zungzal in a kai zungzal ko. Sahrang le a milem a biami le sahrang hmelchunhnak a ngeimi hna caah cun, chun zongah zan zongah lungdaih hnangamnak zeihmanh a um ti lo.

BIAPHUAN 9:2

Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.