DANIEL 3:29 - Lai (Hakha) Common Language Bible 2006

²⁹ Cucaah ahohmanh, mi zei miphun chung mi hmanh si ko uh, cun nan holh zong zei holh hmanh si ai kun, hi hna Shadrak le Meshak le Abednego hna Pathian a serhsatmi paohpaoh cu thlehbaoh dih nan si lai i nan inn kha chuh nan si lai, tiah keimah nih nawlbia ka chuah; zeicahtiah hi bantukin mi a khamh khotu pathian dang zeihmanh an um lo,” tiah a ti.

DANIEL 3:29 ပူးပေါင်းရင်းမြစ်များ

2 SIANGPAHRANG 10:27

Cun Baal tungphun kha an hrawh cikcek i Baal inn kha an hrawh cikcek i zunput ah an ser i nihin ni tiangin a si lan.

EZRA 6:11

Cun hi nawlbia hi ahohmanh nih an thlen ahcun a thlengtu cu a inn chung i kaan pakhat kha zuh a si lai i cu kaan ah cun amah cu ṭem chih i fung in tuk a si lai; cu pinah a inn kha chuh a si lai, tiah nawl zong ka ser fawn.

SALM 3:8

Khamhnak cu Bawipa sinin a rami a si, Bawipa nih a mi cu thluachuah pe ko hna seh.”

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

DANIEL 1:19

Siangpahrang nih cun bia a ruah hna i Daniel le Hananiah le Mishael le Azariah a tluktu kha ahohmanh an um lo, cucaah siangpahrang rian ah khan an lut.

DANIEL 1:7

Sihmanhsehlaw tilditmi bawi bik nih khan min thar a sak hna i Daniel cu Belteshazzar a ti, Hananiah cu Shadrak a ti, Mishael cu Meshak a ti i Azariah cu Abednego a ti.

DANIEL 2:17

Cun Daniel cu inn ah a ṭin i thil umtuning vialte cu a hawile, Hananiah, Mashael le Azariah kha a chimh hna.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

DANIEL 2:49

Cuhleiah Daniel nih a nawl bantukin siangpahrang nih cun Shadrak, Meshak le Abednego cu Babilon ram uktu ah a ser hna. Sihmanhsehlaw Daniel tu cu siangpahrang inn ah khan a um.

DANIEL 2:5

Siangpahrang nih cun a leh hna i, “Ka mang le a sullam kha nan ka chimh khawh lo ahcun nan liang vang in kan thleh dih hna lai i nan inn cu tlaih an si dih lai.

DANIEL 3:12

Sihmanhsehlaw Babilon ram uknak zohkhenhtu ah na chiahmi Judah mi Shadrak, Meshak, le Abednego hna nih cun bawipa na nawlbia kha zei ah an rel duh lo i na phunmi sui milem kha an bia duh lo,” tiah an ti.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

DANIEL 6:28

Cuticun Daniel cu Darius uk chung le Persia mi Sairas uk chungah thluachuak in a um.

DEUTERONOMI 32:31

An lungpi cu kan Lungpi bantuk a si lo, Kan ral hna cu mihrut an si.