DANIEL 3:27 - Lai (Hakha) Common Language Bible 2006

²⁷ Khi tikah mangki le zipeng le vuanthok le siangpahrang tlangpi hna cu an i pum i hi mi hna an pum cungah khan ṭhat lonak zeihmanh mei nih a tuah lo ti kha an hmuh; an lu cung samfa fa khat hmanh a kang lo i an thilthuam kha zeihmanh a kangh lo hlei ah mei rim hmanh an nam lo.

DANIEL 3:27 ပူးပေါင်းရင်းမြစ်များ

1 SIANGPAHRANG 13:28

Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

DANIEL 3:21

Cun an tawhrolh le an angki le an luchin he an thilpuan tling tein i hruk in a ummi hna cu an ṭem hna i meiphu alh chungah cun an paih hna.

DANIEL 6:23

Siangpahrang cu aa lawm tuk hringhran i Daniel cu khor chung in a lengah cawi u, tiah nawl a pek hna. Cucaah Daniel cu lengah an cawi i amah nih a Pathian kha aa bochan caah a cungah hmarung zeihmanh a um lo.

DANIEL 6:7

“Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni sawm thum chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.

MATTHAI 10:30

Nannih chinchin cu nan lu cung sam hmanh kha a rel dih.

LAMKALTU 26:26

Siangpahrang Agrippa, na sinah hi bantukin ralṭha ngaiin bia ka chim khawhnak cu, hi thil cu na hngalh dihmi an si caah a si. Hi thil hi a thlithup in a kenne ah tuahmi an si lo caah hngal loin na um lai tiah ka zum lo.

LAMKALTU 27:34

Cucaah nan nunnak ding caah hin nan herh caah rawl ei u tiah kan nawl hna. Nan lu cung samfa fa khat hmanh a lo lai lo,” tiah a ti.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.