DANIEL 3:24 - Lai (Hakha) Common Language Bible 2006

²⁴ Khi tikah Siangpahrang Nebukhadnezzar cu a khuaruah a har i therphang ngaiin a hung dir. A tlangpi pawl cu a thawh hna i, “Meiphu chung i ṭem buin kan paihmi hna kha pathum an si lo maw?” tiah a ti. Annih nih siangpahrang cu an leh i, “A si hrim hrim ko,” tiah an ti.

DANIEL 3:24 ပူးပေါင်းရင်းမြစ်များ

2 CHANRELNAK 22:4

Ahab innchungkhar nih an rak tuah bang khan, amah zong nih Bawipa mithmuh i ṭhat lonak kha a tuah; a pa thih hnuah, anmah cu ṭhat lonak tuahnak leiah khan fim a chimtu an si.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

DANIEL 3:23

cun kha minung pathum, Shadrak, Meshak le Abednego hna cu ṭem buin meiphu alh chungah cun an thlak hna.

DANIEL 3:25

Cun anih nih, “A si kun ahcun zeicahdah meiphu chungah zeihmanh poi loin aa chawkmi mi pali ka hmuh kun hna; cun a palinak cu pathian a lo fawn,” tiah a leh ve hna.

DANIEL 4:22

Nangmah cu na ṭhang i na ṭhawng. Na lianhngannak cu a thang i van a tawng; na bawi sinak cu vanhramdeng a phan.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

DANIEL 5:6

Siangpahrang cu a lau tuk i a daang dih; a kut le a ke vialte kha an ther dih i a khuk kha aa hnin.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

DANIEL 6:7

“Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni sawm thum chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.

LAMKALTU 12:13

Peter nih innleng lei innka kha a vun kingh i an sinumnu Roda an timi nih hun awkah a va kal.

LAMKALTU 26:13

Lam i kan kal lioah cun, chunlai ah khin, maw Bawipa, vancung in keimah le keimah he a kal ṭimi hna velchum i ni nakin a ceu deuhmi ceu a rung ceu cu ka hmuh.

LAMKALTU 26:27

Agrippa Siangpahrang, profet cu na zum hna maw? Na zumh hna tiah ka hngalh,” a ti.

LAMKALTU 9:6

Tho law khua chungah khan va lut tuah, khika ah na tuah awk hnga kha an rak in chimh lai,” tiah a ti.

1 SAMUEL 17:55

Saul nih David kha Filistin mipa va doh awk i a chuah kha a hmuh tikah, a ralkapbu haotu Abner sinah khan, “Abner, hi tlangvalpate hi aho fapa dah a si?” tiah a ti. Cun Abner nih, “Na nunnak chalh in ka chim, maw siangpahrang, kan chim kho lo,” tiah a ti.