DANIEL 3:18 - Lai (Hakha) Common Language Bible 2006

¹⁸ a kan khamh lo hmanh ah na pathian cu kan bia hlei lai lo i na phunmi milem hmai zongah cun kan kun hlei lai lo, ti kha bawipa nangmah nih hngal ko,” tiah an ti.

DANIEL 3:18 ပူးပေါင်းရင်းမြစ်များ

1 SIANGPAHRANG 19:14

Anih nih, “Bawipa, ralkapbu Pathian, nangmah, nangmah lawnglawng hi kan ṭanh zungzal; Israel mi tu nih cun nangmah he an biakam kha an hrawh i na biakṭheng kha an hrawh hna i na profet kha an thah hna. Keimah lawnglawng hi ka tang i keimah zong cu thah an ka zalh lengmang,” a ti.

1 SIANGPAHRANG 19:18

Sihmanhsehlaw Israel chungah hin Baal hmai i a khuk aa bil lo i a hnamh zong a hnam lomi thong sarih kaa nganh hna lai,” tiah a ti.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

DANIEL 3:28

Khi tikah Nebukhadnezzar nih cun aa thawh i, “Shadrak, Meshak le Abednego Pathian cu thangṭhat si ko seh. Amah an i bochan ca i siangpahrang nawlbia hmanh zul duh loin a um i an Pathian hleiah pathian dang biak nakcun mei chung i paih hmanh a duh deuhmi a salle hna cu, khamh awkah Amah nih a vancungmi kha a run thlah.

LEVITIKAS 19:4

Siasal leiah i mer hlah u, thletmi pathian zong i ser hna hlah u: keimah hi Bawipa nan Pathian cu ka si.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

MATTHAI 10:39

Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnak cu a hmuh lai.

MATTHAI 16:2

Cun Jesuh nih cun, “Zanlei ah cun, ‘Van kam a sen, thaizing cu khua a ṭha lai,’ nan ti i

LAMKALTU 4:19

Sihmanhsehlaw Peter le Johan nih khan an leh hna i, “Pathian mithmuh ah nanmah bia ngaih cu maw a ṭha deuh Pathian bia ngaih dah a ṭha deuh, ti cu nanmah nih ruat ko u.

HEBRU 11:25

Sualnak chung i caan tawite chung i nuamh nakin Pathian mi hna sin sifah in kha aa thim deuh.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.