DANIEL 3:17 - Lai (Hakha) Common Language Bible 2006

¹⁷ “Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

DANIEL 3:17 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

JOB 5:19

Amah nih harnak paruk chungin an chuah lai, Pasarih chung zongah ṭhat lonak zeihmanh nih an tawng lai lo.

SALM 115:3

Kan Pathian cu vancung ah khin a um i a duhmi paoh kha a tuah ko.

SALM 37:39

Bawipa nih miding cu a khamh hna i harnak caan ah a huhphenh hna.

SALM 37:40

A bawmh hna i a chuah hna; annih nih huhphenhnak hmuh awkah an fuh caah miṭhalo hna kut chung khan a khamh hna.

SALM 73:20

Bawipa, annih cu zanmang bantuk an si, na hun i hlauh tikah annih cu an lo colh.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.

JEREMIAH 1:8

Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.”

JEREMIAH 15:20

Nangmah cu an caah pemh khawh lomi dar vampang ah kan ser lai, An in doh lai, sihmanhsehlaw an in tei lai lo, Zeicahtiah nangmah kha huhphenh awk le khamh awkah keimah cu na sinah ka um,

JEREMIAH 15:21

Miṭhalo mi hna kut chung khan kan chuah lai i, Thlachiat ruat lomi hna kut chung khan kan khamh lai,” tiah Bawipa nih a ti.

DANIEL 3:26

Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cung Nung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

DANIEL 6:23

Siangpahrang cu aa lawm tuk hringhran i Daniel cu khor chung in a lengah cawi u, tiah nawl a pek hna. Cucaah Daniel cu lengah an cawi i amah nih a Pathian kha aa bochan caah a cungah hmarung zeihmanh a um lo.

DANIEL 6:27

Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

LUKA 1:37

zeicahtiah Pathian nih a tuah khawh lomi thil zeihmanh a um lo,” tiah a ti.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le